{"asset":"news","key":"6899","locale":"km","id":"news:6899:km","entityId":"news:6899","canonicalUrl":"https://www.kps-tv.com/km/news/detail/6899","state":"ready","title":"ការសាងសង់ច្រាំងទន្លេបាសាក់-ទន្លេហ៊ូវ នៅក្រុងសំពៅពូន សម្រេចបានប្រមាណ៦០% គ្រោងបញ្ចប់ក្នុងពេលឆាប់ៗ","summary":"នៅថ្ងៃទី១ ខែមិថុនា ឆ្នាំ២០២៦ ឯកឧត្តម ថោ ជេដ្ឋា បានចុះពិនិត្យគម្រោងការពារច្រាំងទន្លេប្រវែង៥០០ម៉ែត្រ នៅក្រុងសំពៅពូន ខេត្តកណ្តាល។ តាមសេចក្តីរាយការណ៍ ការងារសម្រេចបានប្រមាណ៦០ភាគរយ និងគ្រោងបញ្ចប់នាពេលឆាប់ៗ។","body":"ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម នៅថ្ងៃទី១ ខែមិថុនា ឆ្នាំ២០២៦ បានដឹកនាំក្រុមការងារអញ្ជើញចុះពិនិត្យវឌ្ឍនភាពការងារសាងសង់ច្រាំងទន្លេបាសាក់-ទន្លេហ៊ូវ ស្ថិតនៅសង្កាត់ព្រែកជ្រៃ ក្រុងសំពៅពូន ខេត្តកណ្តាល។\n គម្រោងសាងសង់ច្រាំងទន្លេបាសាក់នេះមានប្រវែង ៥០០ម៉ែត្រ ដែលអនុវត្តក្នុងឆ្នាំ២០២៦ មានគោលបំណងការពារការបាក់ច្រាំង និងលើកកម្ពស់សុវត្ថិភាពសម្រាប់ប្រជាពលរដ្ឋរស់នៅតាមដងទន្លេ។ ការងារសំខាន់ៗរួមមាន ការបុកគ្រឹះ រៀបបាវខ្សាច់ទប់ជើងក្រោមដោយប្រើ Geotextile រៀបកញ្ច្រែងថ្ម ចាក់បេតុងធ្នឹមក្រវ៉ាត់ជើងក្រោម ធ្វើដីសម្រាប់ចាក់បេតុងជើងទេរ សាងសង់ផ្លូវបេតុង ធ្វើបង្កាន់ដៃ និងចាក់ជើងទេរបេតុង។\n គិតមកដល់ពេលនេះ ការងារសាងសង់សម្រេចបានប្រមាណ ៦០ភាគរយ ហើយតាមផែនការ គម្រោងនេះនឹងបញ្ចប់ និងដាក់ឱ្យប្រើប្រាស់ក្នុងពេលឆាប់ៗខាងមុខ ដើម្បីរួមចំណែកការពារច្រាំងទន្លេ និងលើកកម្ពស់សោភ័ណភាពក្នុងតំបន់៕ ដោយ៖ ប៉ៃ សុឃីម","contentScope":"full","proof":{"publishedSourceRevision":"1","publishedWorkingVersionId":"13442","languageVersionId":"6997","visibilityVersion":"2","versionToken":"a1.6k6cghkVNkgxjnJoXexpPhjiAckHn6wLHRuVqq-maKk"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":"KPS99TV"},"references":[],"links":[],"publishedAt":"2026-06-01T07:07:19Z"}