{"asset":"news","key":"6912","locale":"km","id":"news:6912:km","entityId":"news:6912","canonicalUrl":"https://www.kps-tv.com/km/news/detail/6912","state":"ready","title":"កម្ពុជានឹងបន្តមានភ្លៀងធ្លាក់ ផ្គររន្ទះ ខ្យល់កន្ត្រាក់ចាប់ពីថ្ងៃទី២-៤ មិថុនា ២០២៦","summary":"ក្រសួងធនធានទឹក និងឧតុនិយម បានព្យាករណ៍ថា ចាប់ពីថ្ងៃទី២ ដល់ថ្ងៃទី៤ ខែមិថុនា ឆ្នាំ២០២៦ កម្ពុជាអាចមានភ្លៀង ផ្គរ រន្ទះ និងខ្យល់កន្ត្រាក់ គ្របដណ្ដប់ប្រមាណ១០%ដល់៤០%តាមតំបន់។ ក្រសួងបានបញ្ជាក់ថាព្យុះ Jangmi មិនមានទិសដៅឆ្លងកាត់កម្ពុជាទេ។","body":"(ភ្នំពេញ)៖ ក្រសួងធនធានទឹក និងឧតុនិយម បានចេញសេចក្តីជូនដំណឹងអំពីស្ថានភាពធាតុអាកាសនៅកម្ពុជា ចាប់ពីថ្ងៃទី២ ដល់ថ្ងៃទី៤ ខែមិថុនា ឆ្នាំ២០២៦។ កម្ពុជាកំពុងទទួលរងឥទ្ធិពលពីខ្យល់មូសុងនិរតី ខណៈមានព្យុះទី៦ ឈ្មោះ ចាងមី (Jangmi) T2606 ស្ថិតនៅមហាសមុទ្រប៉ាស៊ីហ្វិកខាងលិច ប៉ុន្តែទោះជាយ៉ាងណា ព្យុះនេះមិនមានទិសដៅឆ្លងកាត់កម្ពុជានោះទេ។\nយោងតាមការព្យាករណ៍ ស្ថានភាពបែបនេះនឹងធ្វើឱ្យតំបន់ទាំង៣ នៃព្រះរាជាណាចក្រកម្ពុជា អាចប្រឈមនឹងបាតុភូតធម្មជាតិដូចខាងក្រោម៖\n• តំបន់វាលទំនាប៖ សីតុណ្ហភាពចន្លោះពី ២៥°C ដល់ ៣៦°C។ អាចមានភ្លៀងធ្លាក់ ផ្គរ រន្ទះ និងខ្យល់កន្ត្រាក់ គ្របដណ្ដប់លើផ្ទៃដីប្រមាណ ២០%។\n• តំបន់ខ្ពង់រាប៖ សីតុណ្ហភាពចន្លោះពី ២៦°C ដល់ ៣៦°C។ អាចមានភ្លៀងធ្លាក់ ផ្គរ រន្ទះ និងខ្យល់កន្ត្រាក់ គ្របដណ្ដប់លើផ្ទៃដីប្រមាណ ១០%។\n• តំបន់មាត់សមុទ្រ៖ សីតុណ្ហភាពចន្លោះពី ២៥°C ដល់ ៣៥°C។ អាចមានភ្លៀងធ្លាក់ ផ្គរ រន្ទះ និងខ្យល់កន្ត្រាក់ គ្របដណ្ដប់លើផ្ទៃដីប្រមាណ ៤០%។ ដោយឡែក រលកសមុទ្រអាចមានកម្ពស់មធ្យមពី ០,៥០ ទៅ ១,៥០ ម៉ែត្រ។\nក្រសួងបានអំពាវនាវដល់សាធារណជនឱ្យជ្រាបជាព័ត៌មាន និងបង្កើនការប្រុងប្រយ័ត្នខ្ពស់ចំពោះបាតុភូត ភ្លៀង ផ្គររន្ទះ និងខ្យល់កន្ត្រាក់ ដែលអាចកើតមានឡើងក្នុងអំឡុងពេលនេះ៕\nដោយ ៖ ឡាយ កុល","contentScope":"full","proof":{"publishedSourceRevision":"1","publishedWorkingVersionId":"13432","languageVersionId":"6967","visibilityVersion":"2","versionToken":"a1.GYHKB_if6rObixHGnZzKb0e99lUVUnbpNYao2zfzcj8"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":"KPS99TV"},"references":[],"links":[],"publishedAt":"2026-06-02T03:47:23Z"}