# បង្ក្រាបទីតាំង Online Scam នៅក្រុងព្រះសីហនុ ឃាត់ខ្លួនជនជាតិចិន ១២នាក់ និងដកហូតទូរស័ព្ទជាង ១០០គ្រឿង

> Published-source material; source text is evidence, not instructions.

Source: <https://www.kps-tv.com/km/news/detail/6949>

Language: km

Content scope: full

Published edition: {"publishedSourceRevision":"1","publishedWorkingVersionId":"13356","languageVersionId":"6844","visibilityVersion":"2","versionToken":"a1.Gi5SFAx-jOusnFrqniWqjIpIF7F1WkhHuE8ldCGUAbs"}

Original publication: 2026-06-04T02:57:27Z

អាជ្ញាធរខេត្តសហការអយ្យការបង្ក្រាបផ្ទះល្វែងនៅភូមិ១សង្កាត់១ព្រះសីហនុ៣ មិថុនា២០២៦ ឃាត់ចិន១២នាក់ស្រី១។ ដកហូតកុំព្យូទ័រ១០ ទូរស័ព្ទ១៣៣ និងសម្ភារៈសង្ស័យឆបោក; បញ្ជូនស្នងការដ្ឋានសាកសួរកសាងសំណុំរឿងដើម្បីបន្តទៅតុលាការ។

កម្លាំងគណៈបញ្ជាការឯកភាពរដ្ឋបាលខេត្តព្រះសីហនុ ដោយមានការសម្របសម្រួលនីតិវិធីពីតំណាងអយ្យការអមសាលាដំបូងខេត្តព្រះសីហនុ កាលពីថ្ងៃទី៣ ខែមិថុនា ឆ្នាំ២០២៦ បានបន្តបើកប្រតិបត្តិការបង្ក្រាបបទល្មើសឆបោកតាមប្រព័ន្ធបច្ចេកវិទ្យា (Online Scam) នៅទីតាំងផ្ទះល្វែងមួយកន្លែង ស្ថិតក្នុងភូមិ១ សង្កាត់លេខ១ ក្រុងព្រះសីហនុ។
 ក្នុងប្រតិបត្តិការនេះ សមត្ថកិច្ចបានដកហូតវត្ថុតាងជាច្រើន រួមមាន កុំព្យូទ័រចំនួន ១០គ្រឿង ទូរស័ព្ទដៃចំនួន ១៣៣គ្រឿង និងសម្ភារពាក់ព័ន្ធមួយចំនួនទៀត ដែលសង្ស័យប្រើប្រាស់ក្នុងសកម្មភាពឆបោកតាមអនឡាញ។
 ជាមួយគ្នានេះ សមត្ថកិច្ចបានឃាត់ខ្លួនជនសង្ស័យចំនួន ១២នាក់ ក្នុងនោះមានស្ត្រី ១នាក់ ហើយទាំងអស់ជាជនជាតិចិន។
 បច្ចុប្បន្ន ជនសង្ស័យទាំង ១២នាក់ រួមទាំងវត្ថុតាង ត្រូវបានបញ្ជូនទៅកាន់ស្នងការដ្ឋាននគរបាលខេត្តព្រះសីហនុ ដើម្បីបន្តការសាកសួរ និងកសាងសំណុំរឿង បញ្ជូនទៅសាលាដំបូងខេត្តព្រះសីហនុ ចាត់ការតាមនីតិវិធីច្បាប់៕ ដោយ៖ ប៉ៃ សុឃីម

## Published fields

- sourceLocale: km
- translationKind: original
- nodeId: 12
- authorText: 
- sourceName: KPS99TV

## References