{"asset":"news","key":"6991","locale":"km","id":"news:6991:km","entityId":"news:6991","canonicalUrl":"https://www.kps-tv.com/km/news/detail/6991","state":"ready","title":"ឯកឧត្តម ប្រាក់ សុខុន ជួបមន្ត្រីជាន់ខ្ពស់អាម៉េរិក ពិភាក្សាការពង្រឹងទំនាក់ទំនងទ្វេភាគី និងភាពជាដៃគូអាស៊ាន-អាម៉េរិក","summary":"ប្រាក់ សុខុន ឧបនាយករដ្ឋមន្ត្រីនិងរដ្ឋមន្ត្រីការបរទេស ទទួលអាហារការងារជាមួយ Hunt VanderToll ថ្ងៃទី៥ មិថុនា២០២៦។ លោកវាយតម្លៃតួនាទីអាម៉េរិកក្នុងបទឈប់បាញ់និងសន្តិភាពឆ្នាំ២០២៥ ហើយភាគីទាំងពីរពិភាក្សាទំនាក់ទំនងទ្វេភាគីនិងអាស៊ាន-អាម៉េរិក។","body":"ភ្នំពេញ៖ នៅថ្ងៃទី៥ ខែមិថុនា ឆ្នាំ២០២៦ ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ បានអញ្ជើញទទួលអាហារការងារថ្ងៃត្រង់ជាមួយលោក Hunt VanderToll ឧបការីរងរដ្ឋមន្ត្រីការបរទេសសហរដ្ឋអាម៉េរិក ទទួលបន្ទុកកិច្ចការអាស៊ីអាគ្នេយ៍ និងអាស៊ាន ក្នុងឱកាសដែលលោកបានអញ្ជើញមកបំពេញទស្សនកិច្ចការងារនៅព្រះរាជាណាចក្រកម្ពុជា។\nក្នុងជំនួបនោះ ឯកឧត្តមឧបនាយករដ្ឋមន្ត្រី ប្រាក់ សុខុន បានសម្តែងការវាយតម្លៃខ្ពស់ចំពោះតួនាទីដ៏សកម្មរបស់សហរដ្ឋអាម៉េរិក ក្រោមការដឹកនាំរបស់ប្រធានាធិបតី Donald J. Trump ក្នុងការគាំទ្រ និងសម្របសម្រួលឱ្យមានកិច្ចព្រមព្រៀងឈប់បាញ់កាលពីថ្ងៃទី២៨ ខែកក្កដា ឆ្នាំ២០២៥ និងកិច្ចព្រមព្រៀងសន្តិភាពទីក្រុងគូឡាឡាំពួ ចុះហត្ថលេខានៅថ្ងៃទី២៦ ខែតុលា ឆ្នាំ២០២៥ ពាក់ព័ន្ធនឹងជម្លោះព្រំដែនកម្ពុជា-ថៃ។\nឯកឧត្តមក៏បានកោតសរសើរចំពោះការបន្តតាមដាន និងការចូលរួមរបស់សហរដ្ឋអាម៉េរិកក្នុងការជំរុញការអនុវត្តកិច្ចព្រមព្រៀងសន្តិភាពនេះ ដើម្បីធានាបាននូវស្ថិរភាព និងការរក្សាសន្តិភាពយូរអង្វែងក្នុងតំបន់។\nជាមួយគ្នានេះ ភាគីទាំងពីរបានផ្លាស់ប្តូរទស្សនៈ និងពិនិត្យពិភាក្សាអំពីវឌ្ឍនភាពជាវិជ្ជមាននៃទំនាក់ទំនងទ្វេភាគីកម្ពុជា-សហរដ្ឋអាម៉េរិក ព្រមទាំងការពង្រឹងបន្ថែមនូវភាពជាដៃគូយុទ្ធសាស្ត្រគ្រប់ជ្រុងជ្រោយរវាងអាស៊ាន និងសហរដ្ឋអាម៉េរិក។\nភាគីទាំងពីរបានបញ្ជាក់សាជាថ្មីនូវការប្តេជ្ញាចិត្តរួម ក្នុងការលើកកម្ពស់ចំណងមិត្តភាពដ៏យូរអង្វែងរវាងប្រទេសទាំងពីរ និងពង្រីកកិច្ចសហប្រតិបត្តិការឱ្យកាន់តែស៊ីជម្រៅលើវិស័យនានាដែលមានផលប្រយោជន៍រួម សំដៅរួមចំណែកដល់សន្តិភាព ស្ថិរភាព និងវិបុលភាពក្នុងតំបន់ និងពិភពលោក។ ដោយ៖ សុខ ស៊ីណាន","contentScope":"full","proof":{"publishedSourceRevision":"1","publishedWorkingVersionId":"13332","languageVersionId":"6805","visibilityVersion":"2","versionToken":"a1.o3BZL_YNolCo2c5rK_f2VZRWsqGWMxqj_5Gxf4TPPL0"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":"KPS99TV"},"references":[],"links":[],"publishedAt":"2026-06-06T02:34:24Z"}