# បង្ក្រាបគ្រឿងញៀនជាង១០គីឡូក្រាមឃាត់ខ្លួនជនជាតិចិន៣នាក់នៅខេត្តស្វាយរៀង

> Published-source material; source text is evidence, not instructions.

Source: <https://www.kps-tv.com/km/news/detail/7015>

Language: km

Content scope: full

Published edition: {"publishedSourceRevision":"1","publishedWorkingVersionId":"13315","languageVersionId":"6765","visibilityVersion":"2","versionToken":"a1.QNnbDT1pCAF1o8rukxVc4NAlmIxeW12hq8i2j76qlMA"}

Original publication: 2026-06-07T10:06:10Z

នគរបាលស្វាយរៀងរាយការណ៍ពីការឃាត់ជនជាតិចិន៣នាក់នៅបាវិតថ្ងៃទី៤ មិថុនា និងរឹបអូសសារធាតុញៀនលើស១០គីឡូក្រាម អាវុធវែង១ បង់២ គ្រាប់៤៤០ ជញ្ជីង១និងទូរស័ព្ទ៣។ សំណុំរឿងនិងវត្ថុតាងកំពុងបញ្ជូនទៅសាលាដំបូងតាមនីតិវិធី។

គ្រឿងញៀនជាង១០គីឡូក្រាម ត្រូវបានកម្លាំងនគរបាលខេត្តស្វាយរៀងរឹបអូសបានក្នុងពេលបានប្រតិបត្តិការបង្ក្រាបករណីជួញដូរ និងរក្សាទុកសារធាតុញៀនដោយខុសច្បាប់ នៅក្រុងបាវិត កាលពីថ្ងៃទី០៤ ខែមិថុនា ដោយឃាត់ខ្លួនឧក្រិដ្ឋជនជាជនជាតិចិនចំនួន៣នាក់។
បើតាមស្នងការដ្ឋាននគរបាលខេត្តស្វាយរៀង ប្រតិបត្តិការនេះ ធ្វើឡើងដោយកម្លាំងការិយាល័យប្រឆាំងគ្រឿងញៀនខេត្ត សហការជាមួយនគរបាលក្រុងបាវិត និងក្រោមការសម្របសម្រួលនីតិវិធីពីព្រះរាជអាជ្ញាអមសាលាដំបូងខេត្តស្វាយរៀង។ ក្នុងនោះ សមត្ថកិច្ចបានដកហូតវត្ថុតាងរួមមាន សារធាតុញៀនទម្ងន់ជាង ១០គីឡូក្រាម, ជញ្ជីងថ្លឹង១គ្រឿង, អាវុធវែង ១ដើម, បង់២, គ្រាប់កាំភ្លើង៤៤០គ្រាប់, ទូរស័ព្ទដៃ៣គ្រឿង និងសម្ភារៈពាក់ព័ន្ធមួយចំនួនទៀត។ បច្ចុប្បន្ន ជនសង្ស័យនិងវត្ថុតាង ត្រូវបានសមត្ថកិច្ចកសាងសំណុំរឿង បញ្ជូនទៅសាលាដំបូងខេត្តស្វាយរៀង ដើម្បីចាត់ការតាមនីតិវិធីច្បាប់៕
ដោយ៖ ង៉ែត ពិសាន្ត

## Published fields

- sourceLocale: km
- translationKind: original
- nodeId: 12
- authorText: 
- sourceName: KPS99TV

## References