# ក្រសួងបរិស្ថានឱ្យក្រុមហ៊ុនរុករករ៉ែមួយនៅមណ្ឌលគិរីស្តារបរិស្ថានឡើងវិញក្រោយឃើញផ្អាកអាជីវកម្ម > Published-source material; source text is evidence, not instructions. Source: Language: km Content scope: full Published edition: {"publishedSourceRevision":"1","publishedWorkingVersionId":"13224","languageVersionId":"6579","visibilityVersion":"2","versionToken":"a1.zas-1cHOZdVs00GfkNexOdne1ZKBfWE9B8H-8WaAcck"} Original publication: 2026-06-11T10:00:06Z អត្ថបទរាយការណ៍ថា ក្រសួងបរិស្ថានតម្រូវឱ្យ RONG CHENG INDUSTRIAL INVESMENT (CAMBODIA) CO., LTD. គ្រប់គ្រងសំណល់ និងរៀបចំផែនការស្តារបរិស្ថាន។ ការត្រួតពិនិត្យថ្ងៃទី១០ ខែមិថុនា រកឃើញថាអាជីវកម្មផ្អាកពីខែមីនា ឆ្នាំ២០២៦ ដោយអាជ្ញាបណ្ណហួសសុពលភាព និងកំពុងស្នើបន្ត។ ក្រុមការងារយកទឹក១សំណាក និងដី២សំណាកទៅវិភាគ។ បន្ទាប់ពីពុំបានដំណើរការអាជីវកម្មដោយសារអាជ្ញាបណ្ណអាជីវកម្ម រុករករ៉ែរបស់ក្រសួងរ៉ែនិងថាមពល ហួសសុពលភាព ក្រសួងបរិស្ថាន បានតម្រូវឱ្យក្រុមហ៊ុន RONG CHENG INDUSTRIAL INVESMENT (CAMBODIA) CO., LTD. ស្ថិតនៅតំបន់មេសំ ក្នុងភូមិសាស្រ្តឃុំចុងផ្លាស់ ស្រុកកែវសីមា ខេត្តមណ្ឌលគិរី ធ្វើការគ្រប់គ្រងសំណល់រឹង រាវឱ្យបានត្រឹមត្រូវចៀសវាងផលប៉ះពាល់បរិស្ថាន។ ដើម្បីឱ្យស្របនីតិវិធីច្បាប់ និងបទដ្ឋានគតិយុត្តជាធរមានហើយត្រឹមត្រូវ ក្រសួងបរិស្ថានបានជំរុញឱ្យក្រុមហ៊ុន ធ្វើការតម្កល់ប្រាក់ធានាហិរញ្ញវត្ថុ សម្រាប់ការស្ដារបរិស្ថានឡើងវិញ និងរៀចំផែនការស្តារបរិស្ថាន នៅមុនពេលបញ្ចប់អាជីវកម្មឱ្យស្របតាមការតម្រូវដែលមានចែងក្នុងររបាយការណ៍វាយតម្លៃហេតុប៉ះពាល់បរិស្ថាន។ យ៉ាងណា កាលពីថ្ងៃទី១០ ខែមិថុនា ក្រុមការងារអធិការកិច្ចនៃក្រសួងបរិស្ថាន និងមន្ទីរបរិស្ថានខេត្តមណ្ឌលគិរី បានចុះត្រួតពិនិត្យទីតាំងក្រុមហ៊ុនខាងលើ ហើយបានឃើញថា ក្រុមហ៊ុននេះ ពុំបានដំណើរការអាជីវកម្ម ដោយសារអាជ្ញាបណ្ណអាជីវកម្ម រុករករ៉ែ របស់ក្រសួងរ៉ែនិងថាមពល ហួសសុពលភាព ចាប់តាំងពីខែមីនា ឆ្នាំ២០២៦មកម៉្លេះ។ ប៉ុន្តែ ក្រុមហ៊ុននេះក៏កំពុងស្នើសុំបន្តសុពលភាពអាជ្ញាបណ្ណឡើងវិញផងដែរ។ ក្រុមការងារបានយកសំណាកទឹកចំនួន១សំណាក និងសំណាកដីចំនួន២សំណាក មកវិភាគនៅមន្ទីរពិសោធន៍ ក្រសួងបរិស្ថាន ដើម្បីធ្វើជាមូលដ្ឋាក្នុងការវាយតម្លៃ សម្រាប់ការស្ដារបរិស្ថានឡើងវិញ។ ក្រសួងបរិស្ថាន បាននិងកំពុងបន្តជំរុញការអនុវត្តច្បាប់យ៉ាងតឹងរ៉ឹងចំពោះអាជីវកម្ម សិប្បកម្ម និងរោងចក្រនានា ដែលមិនគោរពបទដ្ឋានគតិយុត្ត បង្កការបំពុល ឬប៉ះពាល់ដល់ធនធានធម្មជាតិ។ វិធានការនេះគឺជាការអនុវត្តយុទ្ធសាស្ត្រចក្រាវិស័យបរិស្ថាន ដើម្បីកម្ពុជាមានភាពស្អាត ភាពបៃតង និងចីរភាព៕ ដោយ៖ ង៉ែត ពិសាន្ត ## Published fields - sourceLocale: km - translationKind: original - nodeId: 12 - authorText: - sourceName: KPS99TV ## References