# ខេត្តព្រះសីហនុ ប្រារព្ធទិវា TVET លើកទី៩ ជំរុញយុវជនសិក្សាជំនាញដើម្បីការងារ និងប្រាក់ចំណូល

> Published-source material; source text is evidence, not instructions.

Source: <https://www.kps-tv.com/km/news/detail/7196>

Language: km

Content scope: full

Published edition: {"publishedSourceRevision":"1","publishedWorkingVersionId":"13211","languageVersionId":"6540","visibilityVersion":"2","versionToken":"a1.IH_D23lF1cA5RPnm961TlCPWy_BZA57gtt8RiOcxo5o"}

Original publication: 2026-06-16T08:54:09Z

វិទ្យាស្ថានពហុបច្ចេកទេសមិត្តភាពកម្ពុជា–ចិន បានរៀបចំទិវា TVET លើកទី៩ ថ្ងៃទី១៥ មិថុនា ក្រោមប្រធានបទ «TVET ផ្តល់ជំនាញ ការងារ និងប្រាក់ចំណូល» ដើម្បីលើកទឹកចិត្តយុវជនសិក្សាជំនាញ និងឆ្លើយតបតម្រូវការទីផ្សារការងារ។

ខេត្តព្រះសីហនុ៖ នៅវិទ្យាស្ថានពហុបច្ចេកទេសមិត្តភាពកម្ពុជា-ចិន ខេត្តព្រះសីហនុ កាលពីថ្ងៃទី១៥ ខែមិថុនា ឆ្នាំ២០២៦ បានរៀបចំទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ (TVET) លើកទី៩ ក្រោមប្រធានបទ «TVET ផ្តល់ជំនាញ ការងារ និងប្រាក់ចំណូល» ពិធីនេះក្រោមការចូលរួមពីលោក សាមុត សុធារិទ្ធ អភិបាលរងខេត្តព្រះសីហនុ។
 ក្នុងឱកាសនោះ លោកអភិបាលរងខេត្តបានលើកឡើងថា រាជរដ្ឋាភិបាលកម្ពុជាបន្តយកចិត្តទុកដាក់លើការអប់រំបច្ចេកទេស និងវិជ្ជាជីវៈ ដោយចាត់ទុកជាកត្តាសំខាន់សម្រាប់អភិវឌ្ឍធនធានមនុស្ស និងឆ្លើយតបតម្រូវការទីផ្សារការងារ។
 ទិវា TVET ត្រូវបានរៀបចំជារៀងរាល់ឆ្នាំ ដើម្បីលើកកម្ពស់ការយល់ដឹង និងជំរុញឱ្យសិស្សានុសិស្ស និងយុវជន ចាប់អារម្មណ៍សិក្សាជំនាញបច្ចេកទេស និងវិជ្ជាជីវៈ ដែលជាមូលដ្ឋានសម្រាប់ទទួលបានការងារ និងប្រាក់ចំណូលប្រកបដោយស្ថិរភាព៕

 ដោយ៖ ប៉ៃ សុឃីម

## Published fields

- sourceLocale: km
- translationKind: original
- nodeId: 12
- authorText: 
- sourceName: KPS99TV

## References