# អាជ្ញាធរខេត្តកំពង់ឆ្នាំង បិទសិប្បកម្មផលិតប្រេងខ្មៅ និងសាប៊ូគ្មានច្បាប់ នៅស្រុករលាប្អៀរ

> Published-source material; source text is evidence, not instructions.

Source: <https://www.kps-tv.com/km/news/detail/7220>

Language: km

Content scope: full

Published edition: {"publishedSourceRevision":"1","publishedWorkingVersionId":"13203","languageVersionId":"6516","visibilityVersion":"2","versionToken":"a1.7ZmISPlpYg8zJe8xpwLRBlVL3ZsdEb9VnW3Vq8crPbY"}

Original publication: 2026-06-17T07:29:03Z

អាជ្ញាធរខេត្តកំពង់ឆ្នាំងបានបិទសិប្បកម្មផលិតប្រេងខ្មៅនិងសាប៊ូនៅស្រុករលាប្អៀរ ថ្ងៃទី១៦ ខែមិថុនា ដោយបញ្ជាក់ថាម្ចាស់មិនទាន់មានច្បាប់អនុញ្ញាតត្រឹមត្រូវ ទោះបានទុកពេល១០ថ្ងៃរៀបចំឯកសារក្រោយការត្រួតពិនិត្យមុនក៏ដោយ។

អាជ្ញាធរខេត្តកំពង់ឆ្នាំង ដឹកនាំដោយលោក ជា សុខរិទ្ធិ អភិបាលរងខេត្ត និងសម្របសម្រួលនីតិវិធីដោយលោកព្រះរាជអាជ្ញារង កាលពីរសៀលថ្ងៃទី១៦ ខែមិថុនា ឆ្នាំ២០២៦ បានចុះបិទសិប្បកម្មផលិតប្រេងខ្មៅ និងសាប៊ូមួយកន្លែង ស្ថិតនៅភូមិអូតានេស ឃុំរលាប្អៀរ ស្រុករលាប្អៀរ ខេត្តកំពង់ឆ្នាំង។

 លោក ជា សុខរិទ្ធិ បានបញ្ជាក់ថា ការបិទទីតាំងនេះ គឺដោយសារម្ចាស់សិប្បកម្មមិនទាន់មានច្បាប់អនុញ្ញាតត្រឹមត្រូវពីក្រសួងជំនាញ។
 គួរបញ្ជាក់ថា កាលពីថ្ងៃទី៥ ខែមិថុនា ឆ្នាំ២០២៦ ក្រុមការងារចម្រុះរបស់ខេត្តបានចុះពិនិត្យ និងណែនាំឱ្យផ្អាកដំណើរការបណ្តោះអាសន្ន ដោយទុករយៈពេល ១០ថ្ងៃ ដើម្បីរៀបចំឯកសារស្នើសុំច្បាប់។ ប៉ុន្តែរហូតមកដល់ពេលនេះ សិប្បកម្មនៅតែមិនទាន់បំពេញលក្ខខណ្ឌតាមការកំណត់ ទើបអាជ្ញាធរសម្រេចបិទដំណើរការ៕

 ដោយ៖ ប៉ៃ សុឃីម

## Published fields

- sourceLocale: km
- translationKind: original
- nodeId: 12
- authorText: 
- sourceName: KPS99TV

## References