{"asset":"news","key":"7328","locale":"km","id":"news:7328:km","entityId":"news:7328","canonicalUrl":"https://www.kps-tv.com/km/news/detail/7328","state":"ready","title":"បង្ក្រាបសង្វៀនមាន់ជល់លួចលាក់នៅក្រុងព្រះសីហនុ! ឃាត់ខ្លួនអ្នកញៀនល្បែង ៦នាក់ ដកហូតមាន់ជល់ និងម៉ូតូជាច្រើនគ្រឿង","summary":"កម្លាំងគណៈបញ្ជាការឯកភាពក្រុងព្រះសីហនុ បានបង្ក្រាបទីតាំងជល់មាន់ខុសច្បាប់មួយកន្លែង ឃាត់ខ្លួនជនសង្ស័យ៦នាក់ និងដកហូតមាន់ជល់៦ក្បាល ម៉ូតូ៦គ្រឿង និងជញ្ជីងមួយគ្រឿង ដើម្បីកសាងសំណុំរឿងតាមច្បាប់។","body":"ខេត្តព្រះសីហនុ៖ កម្លាំងគណៈបញ្ជាការឯកភាពក្រុងព្រះសីហនុ បានចុះបង្ក្រាបសង្វៀនមាន់ជល់ខុសច្បាប់មួយកន្លែង និងឃាត់ខ្លួនអ្នកពាក់ព័ន្ធចំនួន ៦នាក់ ខណៈកំពុងប្រមូលផ្តុំគ្នាលេងល្បែងភ្នាល់ជល់មាន់។\n\n ប្រតិបត្តិការនេះ ដឹកនាំដោយលោក ឃន មន អភិបាលរងក្រុងព្រះសីហនុ ក្រោមការសម្របសម្រួលនីតិវិធីពីឯកឧត្តម លាវ ស្រេង ព្រះរាជអាជ្ញា នៃអយ្យការអមសាលាដំបូងខេត្តព្រះសីហនុ។\n\n ជាលទ្ធផល សមត្ថកិច្ចបានឃាត់ខ្លួនជនសង្ស័យ ៦នាក់ និងដកហូតវត្ថុតាងរួមមាន មាន់ជល់ ៦ក្បាល ម៉ូតូ ៦គ្រឿង ជញ្ជីងថ្លឹងមាន់ ១គ្រឿង ព្រមទាំងសម្ភារពាក់ព័ន្ធនឹងល្បែងខុសច្បាប់មួយចំនួនទៀត។\n\n បច្ចុប្បន្ន ជនសង្ស័យ និងវត្ថុតាងទាំងអស់ ត្រូវបានបញ្ជូនទៅអធិការដ្ឋាននគរបាលក្រុងព្រះសីហនុ ដើម្បីកសាងសំណុំរឿង និងចាត់ការតាមនីតិវិធីច្បាប់។\n ប្រជាពលរដ្ឋដែលរស់នៅក្បែរទីតាំងខាងលើ បានឱ្យដឹងថា ក្រុមអ្នកលេងល្បែងទាំងនេះ តែងប្រមូលផ្តុំគ្នាជល់មាន់ និងភ្នាល់ប្រាក់ស្ទើរតែរៀងរាល់ថ្ងៃ ដែលបង្កការរំខានដល់សន្តិសុខ សណ្តាប់ធ្នាប់ និងភាពសុខសាន្តក្នុងមូលដ្ឋាន។\n ក្រោយការបង្ក្រាបដោយជោគជ័យ ប្រជាពលរដ្ឋបានសម្តែងការគាំទ្រ និងថ្លែងអំណរគុណដល់កម្លាំងសមត្ថកិច្ច ដែលបានចាត់វិធានការទាន់ពេលវេលា ដើម្បីទប់ស្កាត់ល្បែងស៊ីសងខុសច្បាប់ និងរក្សាសន្តិសុខជូនសហគមន៍៕\n\n ដោយ៖ ប៉ៃ សុឃីម","contentScope":"full","proof":{"publishedSourceRevision":"1","publishedWorkingVersionId":"13163","languageVersionId":"6396","visibilityVersion":"2","versionToken":"a1.S3mEmObn3JTsReAcO3ok0LfSoQ_MmpqBqdK80H1K4Uk"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":"KPS99TV"},"references":[],"links":[],"publishedAt":"2026-06-22T06:15:39Z"}