# កងរាជអាវុធហត្ថខេត្តសៀមរាប បន្តផ្សព្វផ្សាយលេខទូរស័ព្ទបន្ទាន់គឺលេខ 1296 ជូនប្រជាពលរដ្ឋ

> Published-source material; source text is evidence, not instructions.

Source: <https://www.kps-tv.com/km/news/detail/7334>

Language: km

Content scope: full

Published edition: {"publishedSourceRevision":"1","publishedWorkingVersionId":"13160","languageVersionId":"6387","visibilityVersion":"2","versionToken":"a1.FgzFz_Pko63amXq6ojd-P5C_l5b5MRwRFNcE2SlG324"}

Original publication: 2026-06-22T07:36:06Z

កងរាជអាវុធហត្ថខេត្តសៀមរាបបន្តចែកខិត្តប័ណ្ណ និងបិទស្ទិកគ័រផ្សព្វផ្សាយ Hotline 1296 ដែលអាចទាក់ទងឥតគិតថ្លៃ២៤ម៉ោង និងលេខ 088 93 94 567 តាម CoolApp, Telegram និង WhatsApp ដើម្បីរាយការណ៍ និងស្នើអន្តរាគមន៍បន្ទាន់។

លោកឧត្តមសេនីយ៍ត្រី សៀ ទីន មេបញ្ជាការ កងរាជអាវុធហត្ថខេត្តសៀមរាប បានចាត់តាំងក្រុមការងារបន្តចុះផ្សព្វផ្សាយប្រព័ន្ធលេខទូរស័ព្ទបន្ទាន់ (Hotline) 1296 តាមរយៈការចែកខិត្តប័ណ្ណ នាមប័ណ្ណ និងបិទស្ទិកគ័រ ជូនប្រជាពលរដ្ឋ អាជីវករ តាមលំនៅឋាន និងមធ្យោបាយធ្វើដំណើរនានា ក្នុងក្រុងសៀមរាប ខេត្តសៀមរាប។

 កងរាជអាវុធហត្ថខេត្តសៀមរាប សូមជូនដំណឹងដល់ប្រជាពលរដ្ឋថា ក្នុងករណីជួបហេតុការណ៍ដែលត្រូវការអន្តរាគមន៍បន្ទាន់ អាចទាក់ទងមកលេខ Hotline 1296 ដោយឥតគិតថ្លៃ ២៤ម៉ោងលើ ២៤ម៉ោង។ លើសពីនេះ ប្រជាពលរដ្ឋក៏អាចទាក់ទងតាមរយៈកម្មវិធី CoolApp, Telegram និង WhatsApp តាមលេខ 088 93 94 567 ផងដែរ។

 យុទ្ធនាការផ្សព្វផ្សាយនេះ មានគោលបំណងលើកកម្ពស់ការចូលរួមរបស់ប្រជាពលរដ្ឋក្នុងការរាយការណ៍ព័ត៌មាន និងស្នើសុំអន្តរាគមន៍ទាន់ពេលវេលា ដើម្បីរួមចំណែករក្សាសន្តិសុខ សណ្តាប់ធ្នាប់សាធារណៈ និងអនុវត្តគោលនយោបាយភូមិ ឃុំ សង្កាត់ មានសុវត្ថិភាពនៅក្នុងខេត្តសៀមរាប៕

 ដោយ៖ ប៉ៃ សុឃីម

## Published fields

- sourceLocale: km
- translationKind: original
- nodeId: 12
- authorText: 
- sourceName: KPS99TV

## References