{"asset":"news","key":"7372","locale":"km","id":"news:7372:km","entityId":"news:7372","canonicalUrl":"https://www.kps-tv.com/km/news/detail/7372","state":"ready","title":"ដំណឹងល្អពីខេត្តស្ទឹងត្រែង! កូនខ្ទីង និងសត្វព្រៃកម្រជាច្រើនកំពុងបន្តពូជ ខណៈការអភិរក្សកាន់តែមានប្រសិទ្ធភាព","summary":"មន្ត្រីរដ្ឋបាលព្រៃឈើ និងអង្គការ CWC បានកត់ត្រាសត្វព្រៃជាច្រើនប្រភេទកំពុងបណ្តើរកូន ក្នុងព្រៃសហគមន៍២កន្លែងនៅខេត្តស្ទឹងត្រែង តាមការត្រួតពិនិត្យកាមេរ៉ា និងល្បាតថ្ងៃទី២១ មិថុនា ហើយអំពាវនាវឱ្យបញ្ឈប់ការបរបាញ់ ដាក់អន្ទាក់ និងបំពុលសត្វព្រៃ។","body":"ខេត្តស្ទឹងត្រែង កំពុងបង្ហាញសញ្ញាវិជ្ជមានលើការអភិរក្សធនធានធម្មជាតិ ខណៈកូនសត្វខ្ទីង និងសត្វព្រៃកម្រជាច្រើនប្រភេទ ត្រូវបានប្រទះឃើញកំពុងរស់នៅ និងបន្តពូជដោយសុខសាន្តនៅក្នុងតំបន់ការពារ។\n លោក ហ៊ុន សំអឿន នាយផ្នែករដ្ឋបាលព្រៃឈើខេត្តស្ទឹងត្រែង បានឱ្យដឹងថា តាមរយៈការចុះត្រួតពិនិត្យកាមេរ៉ាស្វ័យប្រវត្តិ និងការល្បាតព្រៃរួមគ្នារវាងមន្ត្រីរដ្ឋបាលព្រៃឈើ និងអង្គការការពារសត្វព្រៃកម្ពុជា (CWC) កាលពីថ្ងៃទី២១ ខែមិថុនា ឆ្នាំ២០២៦ ក្រុមការងារបានកត់ត្រាវត្តមានសត្វព្រៃជាច្រើនប្រភេទកំពុងបណ្តើរកូនតូចៗ។\n សត្វដែលត្រូវបានប្រទះឃើញមានដូចជា ខ្ទីង ទន្សោង ប្រើស ឈ្លូស កាំប្រម៉ា ក្ងោក ទោច ស្វា និងសត្វព្រៃផ្សេងៗទៀត ដែលកំពុងរស់នៅក្នុងព្រៃសហគមន៍ភ្នំប្រជុំមិត្ត ស្ថិតក្នុងឃុំសំអាង ស្រុកថាឡាបរិវ៉ាត់ និងព្រៃសហគមន៍ជាំពេជ្រ ស្ថិតក្នុងឃុំកោះស្នែង ស្រុកបុរីអូរស្វាយសែនជ័យ។\n ការរកឃើញនេះ ស្តែងឱ្យឃើញពីប្រសិទ្ធភាពនៃកិច្ចការអភិរក្ស និងការការពារជម្រកធម្មជាតិ ដែលបានជួយឱ្យសត្វព្រៃកម្រ និងជិតផុតពូជ អាចរស់នៅ និងបន្តពូជបានដោយសុវត្ថិភាព។\n ជាមួយគ្នានេះ មន្ត្រីជំនាញ និងអង្គការដៃគូ បានអំពាវនាវដល់ប្រជាពលរដ្ឋឱ្យបញ្ឈប់ការបរបាញ់ ការដាក់អន្ទាក់ និងការបំពុលសត្វព្រៃគ្រប់រូបភាព ព្រមទាំងចូលរួមថែរក្សាធនធានធម្មជាតិដ៏មានតម្លៃទាំងនេះ ដើម្បីធានាការអភិរក្សរយៈពេលវែង និងគាំទ្រដល់ការអភិវឌ្ឍវិស័យទេសចរណ៍ធម្មជាតិនាពេលអនាគត ៕ ដោយ៖ ប៉ៃ សុឃីម","contentScope":"full","proof":{"publishedSourceRevision":"1","publishedWorkingVersionId":"13144","languageVersionId":"6339","visibilityVersion":"2","versionToken":"a1.59RiWFnBqx-a1B3UxRNi3Z7kx6c-iR-Ve0sat2v5tQY"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":"KPS99TV"},"references":[],"links":[],"publishedAt":"2026-06-24T01:43:37Z"}