# ក្រសួងរៀបចំដែនដី បញ្ចប់ការធ្វើជំរឿនមន្ត្រីជាក់ស្តែង ខណៈគណៈកម្មការបន្តបេសកកម្មនៅក្រសួងទេសចរណ៍

> Published-source material; source text is evidence, not instructions.

Source: <https://www.kps-tv.com/km/news/detail/7408>

Language: km

Content scope: full

Published edition: {"publishedSourceRevision":"1","publishedWorkingVersionId":"13137","languageVersionId":"6318","visibilityVersion":"2","versionToken":"a1.9JZLz2_lqKrcZzl1MDpAeb01skqvBH3ic6yAjrtGeSI"}

Original publication: 2026-06-25T04:29:16Z

គណៈកម្មការជំរឿនមន្ត្រីជាក់ស្តែងបានបញ្ចប់ការងារនៅក្រសួងរៀបចំដែនដី ដែលជាក្រសួងទី១១ ដោយមានមន្ត្រីប្រមាណ១១០០នាក់ចូលរួមសហការ ហើយបន្តពិនិត្យរចនាសម្ព័ន្ធនិងវត្តមានមន្ត្រីនៅក្រសួងទេសចរណ៍។

(ភ្នំពេញ) ៖ គណៈកម្មការជំរឿនមន្ត្រីជាក់ស្តែង បានប្រកាសពីភាពជោគជ័យក្នុងការចុះជំរឿនមន្ត្រីរាជការនៅ ក្រសួងរៀបចំដែនដី នគរូបនីយកម្ម និងសំណង់ គឺជាក្រសួងទី១១ ហើយដែលបានបញ្ចប់ដំណើរការនេះរួចរាល់។

 តំណាងគណៈកម្មការ បានថ្លែងអំណរគុណយ៉ាងជ្រាលជ្រៅចំពោះថ្នាក់ដឹកនាំ និងមន្ត្រីរាជការក្រសួងរៀបចំដែនដី ប្រមាណ ១,១០០នាក់ ដែលបានចូលរួមសហការយ៉ាងពេញទំហឹង ធ្វើឱ្យដំណើរការពិនិត្យផ្ទៀងផ្ទាត់នេះ ប្រព្រឹត្តទៅដោយរលូន និងស្របតាមនីតិវិធីដែលបានគ្រោងទុក។

 ទន្ទឹមនឹងនេះ នាព្រឹកថ្ងៃដដែល គណៈកម្មការ ក៏បានបន្តបេសកកម្មរបស់ខ្លួនភ្លាមៗ ដោយកំពុងចុះពិនិត្យផ្ទៀងផ្ទាត់រចនាសម្ព័ន្ធ និងវត្តមានមន្ត្រីជាក់ស្តែង ដែលកំពុងបំពេញការងារនៅតាមអង្គភាពចំណុះទីស្តីការ ក្រសួងទេសចរណ៍ ជាបន្តបន្ទាប់ផងដែរ៕

 ដោយ ៖ ឡាយ កុល

## Published fields

- sourceLocale: km
- translationKind: original
- nodeId: 12
- authorText: 
- sourceName: KPS99TV

## References