#  ទឹកស្ទឹងប៉ៃលិនហក់ឡើងខ្លាំង! អាជ្ញាធរអំពាវនាវឱ្យពលរដ្ឋតាមដងស្ទឹងបង្កើនការប្រុងប្រយ័ត្នខ្ពស់

> Published-source material; source text is evidence, not instructions.

Source: <https://www.kps-tv.com/km/news/detail/7628>

Language: km

Content scope: full

Published edition: {"publishedSourceRevision":"1","publishedWorkingVersionId":"13064","languageVersionId":"6099","visibilityVersion":"2","versionToken":"a1.v-PtGDwBQJ9Vd7oXwWwM4Cc1XLTdKen1zg4yOfrXjbE"}

Original publication: 2026-07-04T09:08:36Z

ទឹកស្ទឹងប៉ៃលិនបានហក់ឡើងនៅព្រឹកថ្ងៃទី៤ ខែកក្កដា ឆ្នាំ២០២៦ បន្ទាប់ពីភ្លៀងធ្លាក់ខ្លាំងពីរថ្ងៃ។ អាជ្ញាធរអំពាវនាវឱ្យអ្នករស់នៅតាមដងស្ទឹង និងតំបន់ទំនាបប្រុងប្រយ័ត្ន និងតាមដានសេចក្តីជូនដំណឹង។

ខេត្តប៉ៃលិន៖ ស្ថានភាពទឹកស្ទឹងប៉ៃលិន កំពុងហក់ឡើងយ៉ាងឆាប់រហ័ស នៅព្រឹកថ្ងៃសៅរ៍ ទី៤ ខែកក្កដា ឆ្នាំ២០២៦នេះ បន្ទាប់ពីមានភ្លៀងធ្លាក់ខ្លាំងជាប់ៗគ្នារយៈពេល២ថ្ងៃកន្លងមក ដែលបានធ្វើឱ្យបរិមាណទឹកហូរចូលស្ទឹងកើនឡើងគួរឱ្យកត់សម្គាល់។

ក្នុងឱកាសនេះ លោកជំទាវ បាន ស្រីមុំ អភិបាលខេត្តប៉ៃលិន បានអំពាវនាវដល់ប្រជាពលរដ្ឋដែលរស់នៅតាមដងស្ទឹងប៉ៃលិន និងតំបន់ទំនាបជាប់មាត់ទឹក សូមបង្កើនការប្រុងប្រយ័ត្នខ្ពស់ តាមដានព័ត៌មានពីអាជ្ញាធរ និងត្រៀមវិធានការចាំបាច់ដើម្បីការពារសុវត្ថិភាពអាយុជីវិត និងទ្រព្យសម្បត្តិ។

លោកជំទាវបានបញ្ជាក់ថា បច្ចុប្បន្ននៅតំបន់ភ្នំខាងលើនៅតែបន្តមានភ្លៀងធ្លាក់ មិនទាន់មានសញ្ញាថយចុះនៅឡើយ ដែលអាចធ្វើឱ្យកម្ពស់ទឹកបន្តកើនឡើងបន្ថែមទៀត។ អាជ្ញាធរមូលដ្ឋាន និងកម្លាំងសមត្ថកិច្ចពាក់ព័ន្ធ កំពុងតាមដានស្ថានការណ៍យ៉ាងយកចិត្តទុកដាក់ និងត្រៀមអន្តរាគមន៍ភ្លាមៗ ប្រសិនបើមានការវិវត្តទៅរកស្ថានភាពគ្រោះថ្នាក់។

ប្រជាពលរដ្ឋត្រូវជៀសវាងការចុះលេងទឹក ការនេសាទ ឬឆ្លងកាត់តំបន់ដែលមានចរន្តទឹកខ្លាំង និងសូមបន្តតាមដានសេចក្តីជូនដំណឹងពីអាជ្ញាធរជាបន្តបន្ទាប់៕

ដោយ៖ ប៉ៃ សុឃីម

## Published fields

- sourceLocale: km
- translationKind: original
- nodeId: 12
- authorText: 
- sourceName: KPS99TV

## References