# កម្ពុជាមោទនភាពធ្វើជាម្ចាស់ផ្ទះ World Universal Pageants 2026 បង្ហាញវប្បធម៌ និងសក្ដានុពលទេសចរណ៍ទៅកាន់ពិភពលោក > Published-source material; source text is evidence, not instructions. Source: Language: km Content scope: full Published edition: {"publishedSourceRevision":"1","publishedWorkingVersionId":"13057","languageVersionId":"6078","visibilityVersion":"2","versionToken":"a1.Kn_AAZMjU9BjBIz59Mo4MOEdg-ZbYlokj4d6PGJWuBQ"} Original publication: 2026-07-05T07:28:04Z នៅខេត្តសៀមរាប ថ្ងៃទី៣ ខែកក្កដា ឆ្នាំ២០២៦ រដ្ឋមន្ត្រីទេសចរណ៍ ហួត ហាក់ បានទទួលស្វាគមន៍ក្រុមបវរកញ្ញាអន្តរជាតិ World Universal Pageants 2026 និងលើកឡើងពីឱកាសផ្សព្វផ្សាយវប្បធម៌ បេតិកភណ្ឌ និងទេសចរណ៍កម្ពុជា។ កម្ពុជាបានបង្ហាញមោទនភាពក្នុងនាមជាប្រទេសម្ចាស់ផ្ទះព្រឹត្តិការណ៍អន្តរជាតិ World Universal Pageants 2026 ដែលជាវេទិកាដ៏មានសារៈសំខាន់សម្រាប់ផ្សព្វផ្សាយវប្បធម៌ អរិយធម៌ បេតិកភណ្ឌ និងសក្ដានុពលវិស័យទេសចរណ៍របស់កម្ពុជា ទៅកាន់ឆាកអន្តរជាតិ ព្រមទាំងលើកកម្ពស់មិត្តភាព និងការផ្លាស់ប្តូរវប្បធម៌រវាងបណ្ដាប្រទេសនានាជុំវិញពិភពលោក។ បន្ទាប់ពីដឹកនាំកិច្ចប្រជុំពិគ្រោះយោបល់លើសេចក្ដីព្រាងវិធានការគន្លឹះ សម្រាប់ជំរុញការអភិវឌ្ឍទេសចរណ៍ឧទ្យានជាតិព្រះជ័យវរ្ម័ននរោត្តម «ភ្នំគូលែន» ឆ្នាំ២០២៦–២០២៨ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានជួបសំណេះសំណាល និងទទួលស្វាគមន៍យ៉ាងកក់ក្តៅដល់ក្រុមបវរកញ្ញាអន្តរជាតិដែលចូលរួមក្នុងកម្មវិធី World Universal Pageants 2026។ ឯកឧត្តមរដ្ឋមន្ត្រីបានលើកឡើងថា ការដែលកម្ពុជាត្រូវបានជ្រើសរើសធ្វើជាម្ចាស់ផ្ទះព្រឹត្តិការណ៍អន្តរជាតិនេះ គឺជាឱកាសដ៏មានតម្លៃក្នុងការលើកកម្ពស់កិត្យានុភាពជាតិ ផ្សព្វផ្សាយពីប្រវត្តិសាស្ត្រ វប្បធម៌ គោលដៅទេសចរណ៍ និងបដិសណ្ឋារកិច្ចដ៏កក់ក្តៅរបស់កម្ពុជា ទៅកាន់សហគមន៍អន្តរជាតិ។ ព្រឹត្តិការណ៍នេះក៏ត្រូវបានរំពឹងថា នឹងរួមចំណែកទាក់ទាញភ្ញៀវទេសចរអន្តរជាតិ បង្កើនការផ្លាស់ប្តូរវប្បធម៌រវាងប្រជាជាតិនានា និងពង្រឹងរូបភាពវិជ្ជមានរបស់កម្ពុជា ជាប្រទេសមានសន្តិភាព សុវត្ថិភាព និងជាគោលដៅទេសចរណ៍ដ៏ទាក់ទាញ។ ខេត្តសៀមរាប ថ្ងៃទី៣ ខែកក្កដា ឆ្នាំ២០២៦៕ ដោយ៖ ប៉ៃ សុឃីម ## Published fields - sourceLocale: km - translationKind: original - nodeId: 12 - authorText: - sourceName: KPS99TV ## References