# ឧត្តមសេនីយ៍ត្រី និត ណារ៉ុង អំពាវនាវកុំចែករំលែកព័ត៌មានព្រំដែនគ្មានប្រភពផ្លូវការ ដើម្បីទប់ស្កាត់ព័ត៌មានក្លែងក្លាយ

> Published-source material; source text is evidence, not instructions.

Source: <https://www.kps-tv.com/km/news/detail/7649>

Language: km

Content scope: full

Published edition: {"publishedSourceRevision":"1","publishedWorkingVersionId":"13051","languageVersionId":"6060","visibilityVersion":"2","versionToken":"a1.qfF38Q6IVIcNpos62zM4xbOLlOg94eNOhDUUa_38ktU"}

Original publication: 2026-07-06T02:20:21Z

លោកឧត្តមសេនីយ៍ត្រី និត ណារ៉ុង បានអំពាវនាវតាមបណ្តាញសង្គមនៅថ្ងៃទី៥ ខែកក្កដា ឆ្នាំ២០២៦ ឱ្យប្រជាពលរដ្ឋជៀសវាងចែករំលែកព័ត៌មានព្រំដែនដែលមិនទាន់មានការបញ្ជាក់ជាផ្លូវការ។

លោកឧត្តមសេនីយ៍ត្រី និត ណារ៉ុង នាយសេនាធិការរង និងជាប្រធានក្រុមលេខានៃគណៈកម្មាធិការព្រំដែនថ្នាក់យោធភូមិភាគកម្ពុជា-ថៃ (RBC) យោធភូមិភាគទី៤ កងទ័ពជើងគោក បានអំពាវនាវដល់ប្រជាពលរដ្ឋ និងអ្នកប្រើប្រាស់បណ្តាញសង្គមទាំងអស់ សូមកុំផ្សព្វផ្សាយ ឬចែករំលែកព័ត៌មានពាក់ព័ន្ធនឹងស្ថានភាពតាមបណ្តោយព្រំដែន ដោយផ្អែកលើការដឹងឮផ្ទាល់ខ្លួន ឬប្រភពដែលមិនទាន់មានការបញ្ជាក់ជាផ្លូវការ។

 ការអំពាវនាវនេះ ធ្វើឡើងតាមរយៈបណ្តាញសង្គម នាថ្ងៃទី៥ ខែកក្កដាឆ្នាំ២០២៦ ក្នុងគោលបំណងទប់ស្កាត់ការរីករាលដាលនៃព័ត៌មានមិនពិត (Fake News) ដែលអាចបង្កឱ្យមានការភាន់ច្រឡំ និងជះឥទ្ធិពលអវិជ្ជមានដល់សន្តិសុខ ស្ថិរភាព និងទំនាក់ទំនងនៅតាមបន្ទាត់ព្រំដែន។

 ជាមួយគ្នានេះ លោកឧត្តមសេនីយ៍ត្រី និត ណារ៉ុង ក៏បានថ្លែងអំណរគុណដល់ប្រជាពលរដ្ឋ និងអ្នកប្រើប្រាស់បណ្តាញសង្គមទាំងអស់ ដែលបានចូលរួមសហការ តាមដាន និងចែករំលែកព័ត៌មានប្រកបដោយការទទួលខុសត្រូវ ដោយពឹងផ្អែកលើប្រភពព័ត៌មានផ្លូវការតែប៉ុណ្ណោះ៕

 ដោយ៖ ប៉ៃ សុឃីម

## Published fields

- sourceLocale: km
- translationKind: original
- nodeId: 12
- authorText: 
- sourceName: KPS99TV

## References