# អភិបាលស្រុកព្រៃនប់ អញ្ជើញបើកស្រោមវិញ្ញាសាប្រឡងបឋមភូមិ នៅមណ្ឌលវិទ្យាល័យ ហ៊ុន សែន វាលរេញ ដោយតម្លាភាព និងសុវត្ថិភាព > Published-source material; source text is evidence, not instructions. Source: Language: km Content scope: full Published edition: {"publishedSourceRevision":"1","publishedWorkingVersionId":"13050","languageVersionId":"6057","visibilityVersion":"2","versionToken":"a1.ocrT2Pm5DdmYdXdXZsl_ED6X894HS1Jp1DrP8r2MVRA"} Original publication: 2026-07-06T03:17:50Z នាព្រឹកថ្ងៃទី៦ ខែកក្កដា ឆ្នាំ២០២៦ អភិបាលស្រុកព្រៃនប់បានអញ្ជើញបើកស្រោមវិញ្ញាសាប្រឡងសញ្ញាបត្រមធ្យមសិក្សាបឋមភូមិ នៅមណ្ឌលវិទ្យាល័យ ហ៊ុន សែន វាលរេញ និងជូនពរបេក្ខជនឱ្យប្រឡងដោយទំនុកចិត្ត និងគោរពវិន័យមណ្ឌលប្រឡង។ នៅព្រឹកថ្ងៃទី០៦ ខែកក្កដា ឆ្នាំ២០២៦ លោក អ៊ី ធារិន អភិបាលស្រុកព្រៃនប់ បានអញ្ជើញជាអធិបតីក្នុងពិធីកាត់ស្រោមវិញ្ញាសាប្រឡងសញ្ញាបត្រមធ្យមសិក្សាបឋមភូមិ (ឌីប្លូម) សម័យប្រឡងថ្ងៃទី០៦ ខែកក្កដា ឆ្នាំ២០២៦ នៅមណ្ឌលប្រឡងវិទ្យាល័យ ហ៊ុន សែន វាលរេញ ស្ថិតក្នុងឃុំវាលរេញ ស្រុកព្រៃនប់ ខេត្តព្រះសីហនុ។ អមដំណើរក្នុងពិធីនេះ មានលោកមេឃុំវាលរេញ លោកមេប៉ុស្តិ៍នគរបាលរដ្ឋបាលឃុំវាលរេញ លោកអនុប្រធានការិយាល័យអប់រំស្រុក លោកមេភូមិ ព្រមទាំងមន្ត្រីពាក់ព័ន្ធជាច្រើនរូប។ ការកាត់ស្រោមវិញ្ញាសាប្រឡងត្រូវបានអនុវត្តតាមនីតិវិធី និងបទប្បញ្ញត្តិរបស់ក្រសួងអប់រំ យុវជន និងកីឡា ដោយធានាបាននូវតម្លាភាព យុត្តិធម៌ សុវត្ថិភាព និងភាពម៉ឺងម៉ាត់ សម្រាប់ដំណើរការប្រឡង។ ក្នុងឱកាសនោះ លោកអភិបាលស្រុកបានជូនពរក្មួយៗបេក្ខជនទាំងអស់ ឱ្យប្រឡងប្រកបដោយភាពជឿជាក់ ប្រើប្រាស់សមត្ថភាពពិតប្រាកដរបស់ខ្លួន គោរពវិន័យមណ្ឌលប្រឡង និងទទួលបានលទ្ធផលល្អស្របតាមការខិតខំប្រឹងប្រែងក្នុងការសិក្សាកន្លងមកផងដែរ៕ ដោយ៖ ប៉ៃ សុឃីម ## Published fields - sourceLocale: km - translationKind: original - nodeId: 12 - authorText: - sourceName: KPS99TV ## References