# រដ្ឋមន្ត្រីក្រសួងធនធានទឹក ស្នើធនាគារពិភពលោក បន្តគាំទ្រកម្ពុជា លើអាទិភាពសន្តិសុខទឹក ៤ ចំណុច > Published-source material; source text is evidence, not instructions. Source: Language: km Content scope: full Published edition: {"publishedSourceRevision":"1","publishedWorkingVersionId":"13020","languageVersionId":"5967","visibilityVersion":"2","versionToken":"a1.0yZNDerJN6NRw_GI1MxGBSWkPffl_bJCknAd9MbzRL4"} Original publication: 2026-07-08T08:03:59Z រដ្ឋមន្ត្រីធនធានទឹក ថោ ជេដ្ឋា ស្នើឱ្យធនាគារពិភពលោកបន្តគាំទ្រអាទិភាព៤ ក្នុងជំនួបជាមួយលោក Guangzhe Chen ថ្ងៃទី៨ ខែកក្កដា ឆ្នាំ២០២៦។ អាទិភាពរួមមាន CaWSIP កិច្ចព្រមព្រៀងសន្តិសុខទឹក ការវិនិយោគអាងទន្លេសាប និងការពង្រីកសមត្ថភាពស្តុកទឹកតាមព្រំដែន។ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានស្នើឱ្យធនាគារពិភពលោក (World Bank) បន្តគាំទ្រកម្ពុជាលើការងារអាទិភាពចំនួន ៤ ដើម្បីពង្រឹងសន្តិសុខទឹក សន្តិសុខស្បៀង និងបង្កើនភាពធន់នឹងការប្រែប្រួលអាកាសធាតុ។ សំណើនេះ ត្រូវបានលើកឡើងក្នុងជំនួបពិភាក្សាការងារជាមួយលោក Guangzhe Chen អនុប្រធានធនាគារពិភពលោក នាព្រឹកថ្ងៃទី៨ ខែកក្កដា ឆ្នាំ២០២៦ នៅទីស្តីការក្រសួងធនធានទឹក និងឧតុនិយម។ ក្នុងជំនួប ឯកឧត្តមរដ្ឋមន្ត្រីបានថ្លែងអំណរគុណដល់ធនាគារពិភពលោក ដែលបានគាំទ្រគម្រោងកែលម្អសន្តិសុខទឹកកម្ពុជា (CaWSIP) ដើម្បីពង្រឹងការគ្រប់គ្រងធនធានទឹក អភិវឌ្ឍប្រព័ន្ធធារាសាស្ត្រ វិស័យឧតុនិយម និងសហគមន៍កសិករប្រើប្រាស់ទឹក។ ជាមួយគ្នានេះ ឯកឧត្តមរដ្ឋមន្ត្រីបានស្នើឱ្យធនាគារពិភពលោកបន្តគាំទ្រលើអាទិភាព ៤ រួមមាន ការអនុវត្តគម្រោង CaWSIP ឱ្យជោគជ័យ ការអនុវត្តកិច្ចព្រមព្រៀងសន្តិសុខទឹកកម្ពុជា ការវិនិយោគរយៈពេលវែងសម្រាប់អាងទន្លេសាប និងការពង្រីកសមត្ថភាពស្តុកទឹកនៅតំបន់ព្រំដែន។ ជាការឆ្លើយតប លោក Guangzhe Chen បានបញ្ជាក់ថា ធនាគារពិភពលោកនឹងបន្តសហការយ៉ាងជិតស្និទ្ធជាមួយកម្ពុជា ដើម្បីគាំទ្រការអនុវត្តគម្រោង និងកម្មវិធីអាទិភាពនានា សំដៅពង្រឹងសន្តិសុខទឹក និងជំរុញការអភិវឌ្ឍប្រកបដោយចីរភាព៕ ដោយ៖ ប៉ៃ សុឃីម ## Published fields - sourceLocale: km - translationKind: original - nodeId: 12 - authorText: - sourceName: KPS99TV ## References