# កម្ពុជាបញ្ជូនជនជាតិថៃ ៧៩នាក់ត្រឡប់ទៅប្រទេសវិញ ក្រោយជាប់ពាក់ព័ន្ធបទល្មើសអនឡាញ និងឆ្លងដែនខុសច្បាប់

> Published-source material; source text is evidence, not instructions.

Source: <https://www.kps-tv.com/km/news/detail/7736>

Language: km

Content scope: full

Published edition: {"publishedSourceRevision":"1","publishedWorkingVersionId":"12867","languageVersionId":"5756","visibilityVersion":"2","versionToken":"a1.vWTtvaDcHuPybPGLuWIOPjg9XQ-WkmfBJP1GoOLgAC8"}

Original publication: 2026-07-10T09:05:34Z

កម្ពុជាបញ្ជូនជនជាតិថៃ៧៩នាក់ ក្នុងនោះស្រី៣៤នាក់ ត្រឡប់តាមច្រកប៉ោយប៉ែតថ្ងៃទី១០ ខែកក្កដា ឆ្នាំ២០២៦។ មន្ត្រីបញ្ជាក់ថា មាន៤០នាក់ពាក់ព័ន្ធអនឡាញស្គេម ៣០នាក់ឆ្លងដែនខុសច្បាប់ និង៩នាក់បញ្ចប់ទោស ហើយមានការបិទទិដ្ឋាការ៣ឆ្នាំឬ៥ឆ្នាំ។

នៅថ្ងៃទី១០ ខែកក្កដា ឆ្នាំ២០២៦ អាជ្ញាធរកម្ពុជា បានបញ្ជូនជនជាតិថៃចំនួន ៧៩នាក់ (ស្រី៣៤នាក់) ត្រឡប់ទៅប្រទេសថៃវិញ តាមច្រកទ្វារព្រំដែនអន្តរជាតិប៉ោយប៉ែត បន្ទាប់ពីពាក់ព័ន្ធនឹងបទល្មើសផ្សេងៗដែលបានប្រព្រឹត្តនៅក្នុងប្រទេសកម្ពុជា។

 ពិធីប្រគល់ជនជាតិថៃទៅអាជ្ញាធរថៃ បានធ្វើឡើងនៅច្រកទ្វារព្រំដែនអន្តរជាតិប៉ោយប៉ែត ដោយមានការចូលរួមពីឯកឧត្តម ប៉ានខែម ប៊ុនថន ប្រធានក្រុមការងាររាជរដ្ឋាភិបាលចុះជួយមូលដ្ឋានក្រុងប៉ោយប៉ែត រួមជាមួយថ្នាក់ដឹកនាំ និងមន្ត្រីនគរបាលអន្តោប្រវេសន៍ នគរបាលខេត្តបន្ទាយមានជ័យ អាជ្ញាធរក្រុងប៉ោយប៉ែត និងស្ថាប័នពាក់ព័ន្ធ។

 លោកឧត្តមសេនីយ៍ត្រី អ៊ី ចំរើន នាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិប៉ោយប៉ែត បានឱ្យដឹងថា ជនជាតិថៃទាំង ៧៩នាក់នេះ រួមមាន៖
 ១៖ បទល្មើសអនឡាញស្គេមចំនួន៤០នាក់, ២៖ បទល្មើសលួចឆ្លងដែនដោយខុសច្បាប់ចំនួន៣០នាក់, ៣៖ អនុវត្តទោសបញ្ចប់ចំនួន៩នាក់ ក្នុងនោះមានត្រូវបានបិទទិដ្ឋាការរយៈពេល៥ឆ្នាំ ចំនួន៣៩នាក់ និងរយៈពេល៣ឆ្នាំ ចំនួន៤០នាក់។

 លោកឧត្តមសេនីយ៍ត្រី អ៊ី ចំរើន បញ្ជាក់ថា ចាប់តាំងពីរាជរដ្ឋាភិបាលកម្ពុជា បើកយុទ្ធនាការបង្ក្រាបបទល្មើសឆបោកតាមប្រព័ន្ធបច្ចេកវិទ្យា (Online Scam) មក អាជ្ញាធរកម្ពុជាបានបញ្ជូនជនជាតិថៃដែលពាក់ព័ន្ធបទល្មើស ត្រឡប់ទៅប្រទេសថៃ តាមច្រកទ្វារព្រំដែនអន្តរជាតិប៉ោយប៉ែត ជិត ៨០០នាក់ រួចមកហើយ ដែលបង្ហាញពីការបន្តអនុវត្តច្បាប់យ៉ាងម៉ឺងម៉ាត់ ដើម្បីទប់ស្កាត់ និងបង្ក្រាបបទល្មើសឆ្លងដែន៕

 ដោយ៖ ប៉ៃ សុឃីម

## Published fields

- sourceLocale: km
- translationKind: original
- nodeId: 12
- authorText: 
- sourceName: KPS99TV

## References