# ជំនន់ទឹកភ្លៀង!!អាជ្ញាធរស្រុករតនមណ្ឌលបើកទ្វារទឹកទំនប់សេកសក៣ទ្វារនិងឱ្យពលរដ្ឋប្រុងប្រយ័ត្នខ្ពស់

> Published-source material; source text is evidence, not instructions.

Source: <https://www.kps-tv.com/km/news/detail/7766>

Language: km

Content scope: full

Published edition: {"publishedSourceRevision":"1","publishedWorkingVersionId":"12844","languageVersionId":"5689","visibilityVersion":"2","versionToken":"a1.zFyL4x8UwORB4_YFmm_icxkgLyDEdpp_gQ2fPcezXWg"}

Original publication: 2026-07-13T06:14:51Z

រដ្ឋបាលស្រុករតនមណ្ឌលជូនដំណឹងថា នៅម៉ោង៦:១០ព្រឹកថ្ងៃទី១៣ ខែកក្កដា ឆ្នាំ២០២៦ ទឹកស្ទឹងបានកើនឡើងដោយភ្លៀងបន្តធ្លាក់។ អាជ្ញាធរបើកទ្វារទឹកទំនប់សេកសក៣ទ្វារ ដោយលើកកម្ពស់១ម៉ែត្រ និងឱ្យប្រជាពលរដ្ឋត្រៀមទៅទីទួលសុវត្ថិភាព ប្រសិនបើទឹកបន្តឡើង។

គិតត្រឹមម៉ោង ៦និង១០នាទីព្រឹកថ្ងៃទី១៣ ខែកក្កដា ឆ្នាំ២០២៦ ស្ថានភាពទឹកស្ទឹងក្នុងស្រុករតនមណ្ឌលមានការកើនឡើង ដោយសារជំនន់ទឹកភ្លៀងបន្តបង្អុរធ្លាក់ជាបន្តបន្ទាប់។ ករណីនេះ អាជ្ញាធរបានសម្រេចបើកទ្វារទឹកនៃទំនប់ពហុបំណងបាត់ដំបង (សេកសក) ចំនួន ៣ទ្វារ ដោយលើកកម្ពស់ទ្វារទឹក ១ម៉ែត្រ។ នេះបើតាមសេចក្តីជូនដំណឹងរបស់រដ្ឋបាលស្រុករតនមណ្ឌល ខេត្តបាត់ដំបង នៅព្រឹកថ្ងៃទី១៣ ខែកក្កដា។

ទន្ទឹមនឹងការជូនដំណឹងនេះ រដ្ឋបាលស្រុករតនមណ្ឌល បានអំពាវនាវឱ្យប្រជាពលរដ្ឋទាំងអស់បន្តតាមដានព័ត៌មានជាប្រចាំ និងបង្កើនការប្រុងប្រយ័ត្នខ្ពស់ចំពោះសុវត្ថិភាពមនុស្សចាស់ កុមារ និងទ្រព្យសម្បត្តិ ព្រមទាំងជៀសវាងការចុះលេងទឹក ឬឆ្លងកាត់តំបន់ដែលមានចរន្តទឹកហូរខ្លាំង។ ជាមួយគ្នានេះ អាជ្ញាធរស្រុក ក៏បានឱ្យពលរដ្ឋត្រៀមខ្លួនជាស្រេចក្នុងការផ្លាស់ទីទៅកាន់ទីទួលសុវត្ថិភាព ប្រសិនបើស្ថានភាពទឹកបន្តកើនឡើង៕

ដោយ៖ ង៉ែត ពិសាន្ត

## Published fields

- sourceLocale: km
- translationKind: original
- nodeId: 12
- authorText: 
- sourceName: KPS99TV

## References