# ទឹកជំនន់លិចផ្លូវ១ខ្សែរក្នុងភូមិបាក់អង្រុត ឃុំដងពែង ស្រុកស្រែអំបិល មិនអាចធ្វើដំណើរឆ្លងកាត់បាន

> Published-source material; source text is evidence, not instructions.

Source: <https://www.kps-tv.com/km/news/detail/7767>

Language: km

Content scope: full

Published edition: {"publishedSourceRevision":"1","publishedWorkingVersionId":"12843","languageVersionId":"5686","visibilityVersion":"2","versionToken":"a1.l3D8hOumURgM8aizK5E6CeAoO8d2ubk3DJbJZMuaX84"}

Original publication: 2026-07-13T06:27:05Z

នគរបាលស្រុកស្រែអំបិលជូនដំណឹងនៅថ្ងៃទី១៣ ខែកក្កដា ឆ្នាំ២០២៦ថា ទឹកជំនន់បានលិចផ្លូវក្នុងភូមិបាក់អង្រុត ឃុំដងពែង មិនអាចឆ្លងកាត់បាន។ អាជ្ញាធរបានផ្អាកទទួលភ្ញៀវទេសចរក្នុងឃុំជាបណ្ដោះអាសន្នតាំងពីថ្ងៃទី១២ ខែកក្កដា រហូតដល់មានជូនដំណឹងថ្មី។

នៅថ្ងៃទី១៣ ខែកក្កដា ឆ្នាំ២០២៦នេះ អធិការដ្ឋាននគរបាលស្រុកស្រែអំបិលនៃខេត្តកោះកុង បានជូនដំណឹងដល់ប្រជាពលរដ្ឋដែលរស់នៅក្នុងភូមិបាក់អង្រុត ឃុំដងពែង ស្រុកស្រែអំបិល និងអ្នកត្រូវធ្វើដំណើរឆ្លងកាត់ក្នុងភូមិបាក់អង្រុតថា ដោយសារស្ថានភាពមានភ្លៀងនៅបន្តធ្លាក់ខ្លាំង បង្ករឱ្យមានទឹកជំនន់លិចផ្លូវមួយខ្សែរក្នុងភូមិបាក់អង្រុត ចំណុចបត់ឋ មិនអាចឆ្លងកាត់បានទេ។

សូមជម្រាបថា កាលពីថ្ងៃទី១២ ខែកក្កដា អាជ្ញាធរមានសមត្ថកិច្ច បានជូនដំណឹងផ្អាកការទទួលភ្ញៀវទេសចរមកកម្សាន្តក្នុងមូលដ្ឋានឃុំដងពែង ស្រុកស្រែអំបិលជាបណ្ដោះអាសន្ន រហូតដល់មានសេចក្ដីជូនដំណឹងជាថ្មី ដើម្បីធានាសុវត្ថិភាព សន្តិសុខ សណ្តាប់ធ្នាប់សាធារណៈ និងការពារផលប្រយោជន៍រួម ។ ក្នុងអំឡុងពេលផ្អាកនេះ អាជ្ញាធរបានណែនាំឱ្យសាធារណជន និងភ្ញៀវទេសចរទាំងអស់ មេត្តាកុំធ្វើដំណើរមកកម្សាន្តក្នុងតំបន់ខាងលើ និងសូមចូលរួមអនុវត្តតាមការណែនាំរបស់អាជ្ញាធរមានសមត្ថកិច្ចឱ្យបានខ្ជាប់ខ្ជួន៕

ដោយ៖ ង៉ែត ពិសាន្ត

## Published fields

- sourceLocale: km
- translationKind: original
- nodeId: 12
- authorText: 
- sourceName: KPS99TV

## References