{"asset":"news","key":"7778","locale":"km","id":"news:7778:km","entityId":"news:7778","canonicalUrl":"https://www.kps-tv.com/km/news/detail/7778","state":"ready","title":"៦ខែដើមឆ្នាំ២០២៦! ក្រសួងសាធារណការ ត្រួតពិនិត្យរថយន្តជាង ១,១លានគ្រឿង រកឃើញដឹកលើសទម្ងន់ជាង ៣២ម៉ឺនគ្រឿង ពិន័យ ៨៥៧គ្រឿង","summary":"ក្នុងឆមាសទី១ ឆ្នាំ២០២៦ ក្រសួងសាធារណការនិងដឹកជញ្ជូនត្រួតពិនិត្យរថយន្ត១,១៤៤,៦២៣គ្រឿង រកឃើញផ្ទុកលើសទម្ងន់៣២១,៧៦១គ្រឿង ស្មើ២៨.១១%។ ក្នុងនោះ៣២០,៩០៤គ្រឿងលើសក្រោម៥% ហើយរថយន្តល្មើសច្បាប់៨៥៧គ្រឿងត្រូវពិន័យ។ ក្រសួងបន្តអំពាវនាវឱ្យគោរពកម្រិតទម្ងន់ផ្ទុក។","body":"ភ្នំពេញ៖ ក្នុងរយៈពេល ៦ខែដើមឆ្នាំ២០២៦ ក្រសួងសាធារណការ និងដឹកជញ្ជូន បានបន្តរឹតបន្តឹងការត្រួតពិនិត្យ និងបង្ក្រាបរថយន្តដឹកលើសទម្ងន់ តាមរយៈស្ថានីយជញ្ជីង និងក្រុមការងារចល័តនៅទូទាំងប្រទេស។\nឯកឧត្តម ផន រឹម អ្នកនាំពាក្យក្រសួងសាធារណការ និងដឹកជញ្ជូន បានឱ្យដឹងនៅថ្ងៃទី១៣ ខែកក្កដា ឆ្នាំ២០២៦ថា ក្រសួងបានត្រួតពិនិត្យរថយន្តសរុប ១,១៤៤,៦២៣គ្រឿង។ ក្នុងនោះ រថយន្តផ្ទុកមិនលើសទម្ងន់មាន ៨២២,៨៦២គ្រឿង ខណៈរថយន្តផ្ទុកលើសទម្ងន់មាន ៣២១,៧៦១គ្រឿង ស្មើនឹង ២៨.១១% នៃរថយន្តដែលបានត្រួតពិនិត្យ។\nឯកឧត្តមបានបញ្ជាក់ថា រថយន្តផ្ទុកលើសទម្ងន់ទាំងនោះ រួមមាន៖\n•  ផ្ទុកលើសទម្ងន់ក្រោម ៥%៖ ៣២០,៩០៤គ្រឿង (២៨.០៤%) \n•  ផ្ទុកលើសពី ៥% ដល់ ១០%៖ ១៩៣គ្រឿង (០.០២%) \n•  ផ្ទុកលើសពី ១០% ដល់ ២០%៖ ២៣១គ្រឿង (០.០២%) \n•  ផ្ទុកលើសពី ២០%៖ ៤៣៣គ្រឿង (០.០៤%) \nជាមួយគ្នានេះ ក្រសួងបានអនុវត្តការពិន័យលើរថយន្តដែលល្មើសច្បាប់សរុប ៨៥៧គ្រឿង ដើម្បីពង្រឹងការអនុវត្តច្បាប់ និងទប់ស្កាត់ការបំផ្លាញហេដ្ឋារចនាសម្ព័ន្ធផ្លូវថ្នល់ ដែលបណ្តាលមកពីការដឹកជញ្ជូនលើសទម្ងន់។\nក្រសួងសាធារណការ និងដឹកជញ្ជូន បន្តអំពាវនាវដល់ម្ចាស់យានយន្ត និងអាជីវករដឹកជញ្ជូនទាំងអស់ ឱ្យគោរពបទប្បញ្ញត្តិស្តីពីការកំណត់ទម្ងន់ផ្ទុក ដើម្បីរួមចំណែកថែរក្សាផ្លូវថ្នល់ និងធានាសុវត្ថិភាពចរាចរណ៍៕\n\nដោយ៖ ប៉ៃ សុឃីម","contentScope":"full","proof":{"publishedSourceRevision":"1","publishedWorkingVersionId":"12836","languageVersionId":"5665","visibilityVersion":"2","versionToken":"a1.wzTrcZpLn-2BsEfoyZZVmeWprexwJkSZkWj_Ya6d3mY"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":"KPS99TV"},"references":[],"links":[],"publishedAt":"2026-07-14T02:47:23Z"}