# ទំពាំងឆ្នើមទាំងនេះហើយ ដែលជាក្ដីសង្ឃឹម និងជាអនាគតរបស់កម្ពុជា! 

> Published-source material; source text is evidence, not instructions.

Source: <https://www.kps-tv.com/km/news/detail/7829>

Language: km

Content scope: full

Published edition: {"publishedSourceRevision":"1","publishedWorkingVersionId":"12787","languageVersionId":"5520","visibilityVersion":"2","versionToken":"a1.gpU5QbW0jRyRAMx9feNyS4E3dvfPhnnlOCHrCcI5VlU"}

Original publication: 2026-07-16T08:49:20Z

ក្រុម Girl Digital ជាកុមារីអាយុ៩ឆ្នាំមកពីសាលាបឋមសិក្សាកេសរារាម ខេត្តសៀមរាប បានរៀនសរសេរកូដនិងបង្កើតហ្គេម តាមកម្មវិធី Game Changers Coalition ដែលគាំទ្រដោយ UNICEF និងសហការជាមួយក្រសួងអប់រំ។ ក្រុមបានទទួលរង្វាន់លើកទឹកចិត្តក្នុង National Game Jam កាលពីខែធ្នូ ឆ្នាំ២០២៥។

ក្នុងវ័យទើបតែ ៩ឆ្នាំ កុមារីនៃក្រុម «Girl Digital» មកពីសាលាបឋមសិក្សាកេសរារាម ខេត្តសៀមរាប បាននិងកំពុងបង្ហាញសមត្ថភាពដ៏អស្ចារ្យតាមរយៈការរៀនសរសេរកូដ បង្កើតហ្គេម និងធ្វើការងារជាក្រុមដើម្បីដោះស្រាយបញ្ហា ព្រមទាំងអាចធ្វើបទបង្ហាញពីគម្រោងរបស់ពួកគេដោយភាពជឿជាក់យ៉ាងមុតមាំ។

 តាមរយៈកម្មវិធី «Game Changers Coalition» ដែលជាគំនិតផ្ដួចផ្ដើមគាំទ្រដោយយូនីសេហ្វ (UNICEF) សហការជាមួយក្រសួងអប់រំ យុវជន និងកីឡា ក្រោមការសម្របសម្រួលយ៉ាងសកម្មពីនាយកដ្ឋានបរិវត្តកម្មឌីជីថល ក្នុងការបណ្ដុះបណ្ដាលជំនាញឌីជីថល និង STEAM ដល់កុមារ ក្រុមសិស្សតូចៗទាំងនេះបានបង្កើតហ្គេមដំបូងបង្អស់របស់ខ្លួន ហើយថែមទាំងបានចូលរួមប្រកួតប្រជែង និងទទួលបានរង្វាន់លើកទឹកចិត្តនៅក្នុងព្រឹត្តិការណ៍ប្រកួតបង្កើតហ្គេមថ្នាក់ជាតិ (National Game Jam) របស់កម្ពុជា កាលពីខែធ្នូ ឆ្នាំ២០២៥។

 ក្នុងឱកាស «ទិវាជំនាញយុវជនពិភពលោក» (World Youth Skills Day) នេះ យើងសូមអបអរសាទរចំពោះសមិទ្ធផលដ៏អស្ចារ្យរបស់ពួកគេ។ ការបណ្ដុះបណ្ដាលក្មេងជំនាន់ក្រោយលើជំនាញឌីជីថល និង STEAM ពិតជាមានសារៈសំខាន់ខ្លាំងណាស់ ព្រោះអ្វីៗគ្រប់យ៉ាងនឹងក្លាយជាការពិត នៅពេលកុមារគ្រប់រូបទទួលបានឱកាស ការណែនាំ និងឧបករណ៍ចាំបាច់នានា ដើម្បីកសាងជំនាញសម្រាប់អនាគតដ៏ភ្លឺស្វាងរបស់ពួកគេ៕

 ប្រភព៖ ក្រសួងអប់រំ
 ដោយ៖ ធី លីថូ

## Published fields

- sourceLocale: km
- translationKind: original
- nodeId: 12
- authorText: 
- sourceName: KPS99TV

## References