# កំពង់ផែស្វយ័តក្រុងព្រះសីហនុ និងកំពង់ផែឡុងបិច ចុះហត្ថលេខាលើលិខិតបង្ហាញពីគោលបំណង បង្កើតភាពជាដៃគូយុទ្ធសាស្ត្រ > Published-source material; source text is evidence, not instructions. Source: Language: km Content scope: full Published edition: {"publishedSourceRevision":"1","publishedWorkingVersionId":"12706","languageVersionId":"5281","visibilityVersion":"2","versionToken":"a1.dClgn69u_Y2sB8tfliOGkpFVsXuK9D24CY4AlBsmQcc"} Original publication: 2026-07-22T01:18:12Z គណៈប្រតិភូកំពង់ផែស្វយ័តក្រុងព្រះសីហនុបានបំពេញទស្សនកិច្ចកំពង់ផែឡុងបិច សហរដ្ឋអាមេរិក ថ្ងៃទី២០ ខែកក្កដា ឆ្នាំ២០២៦ និងចុះហត្ថលេខាលើលិខិតបង្ហាញពីគោលបំណងបង្កើតភាពជាដៃគូ ដើម្បីពង្រឹងការផ្លាស់ប្តូរបទពិសោធន៍ សមត្ថភាព និងវិស័យដឹកជញ្ជូននិងភស្តុភារ។ គណៈប្រតិភូក្រុមប្រឹក្សាភិបាលកំពង់ផែស្វយ័តក្រុងព្រះសីហនុ ដឹកនាំដោយ ឯកឧត្តម លូ គឹមឈន់ ប្រតិភូរាជរដ្ឋាភិបាលកម្ពុជា ទទួលបន្ទុកជាប្រធានអគ្គនាយកកំពង់ផែស្វយ័តក្រុងព្រះសីហនុ រួមជាមួយថ្នាក់ដឹកនាំកំពង់ផែស្វយ័តក្រុងព្រះសីហនុ កាលពីថ្ងៃទី២០ ខែកក្កដា ឆ្នាំ២០២៦ បានអញ្ជើញបំពេញទស្សនកិច្ចការងារនៅកំពង់ផែឡុងបិច សហរដ្ឋអាមេរិក។ ក្នុងឱកាសនោះ គណៈប្រតិភូបានជួបពិភាក្សាការងារជាមួយ បណ្ឌិត Noel Hacegaba នាយកប្រតិបត្តិកំពង់ផែឡុងបិច និងបានចុះហត្ថលេខាលើ «លិខិតបង្ហាញពីគោលបំណង (Letter of Intent) ស្តីពីការបង្កើតទំនាក់ទំនងភាពជាដៃគូរវាងកំពង់ផែឡុងបិច និងកំពង់ផែស្វយ័តក្រុងព្រះសីហនុ»។ ការចុះហត្ថលេខាលើលិខិតបង្ហាញពីគោលបំណងនេះ គឺជាជំហានដ៏សំខាន់ក្នុងការពង្រឹងកិច្ចសហប្រតិបត្តិការរវាងកំពង់ផែទាំងពីរ ដើម្បីលើកកម្ពស់ការផ្លាស់ប្តូរបទពិសោធន៍ ការអភិវឌ្ឍសមត្ថភាព ការចែករំលែកចំណេះដឹង និងការពង្រឹងវិស័យដឹកជញ្ជូន និងភស្តុភារឱ្យកាន់តែមានប្រសិទ្ធភាព និងប្រកួតប្រជែងនៅលើឆាកអន្តរជាតិ៕ ដោយ៖ ប៉ៃ សុឃីម ## Published fields - sourceLocale: km - translationKind: original - nodeId: 12 - authorText: - sourceName: KPS99TV ## References