# ហានិភ័យ! ប្រទះឃើញគ្រាប់បែ/កមិនទាន់ផ្ទុះ២០គ្រាប់ នៅស្រុកថ្មគោល ពលរដ្ឋរាយការណ៍ភ្លាម មន្រ្តីជំនាញយកទៅកម្ទេចចោល 

> Published-source material; source text is evidence, not instructions.

Source: <https://www.kps-tv.com/km/news/detail/7922>

Language: km

Content scope: full

Published edition: {"publishedSourceRevision":"1","publishedWorkingVersionId":"12703","languageVersionId":"5272","visibilityVersion":"2","versionToken":"a1.hfBzosR4vUDtWGjCONNvWKeRcEf7u8gNQAnZwBPTykU"}

Original publication: 2026-07-22T02:53:16Z

យោងតាមអគ្គស្នងការដ្ឋាននគរបាលជាតិ ពលរដ្ឋប្រទះឃើញយុទ្ធភ័ណ្ឌមិនទាន់ផ្ទុះ២០គ្រាប់ នៅស្រុកថ្មគោល ខេត្តបាត់ដំបង វេលាម៉ោង១៤:៣០ ថ្ងៃទី២១ ខែកក្កដា ឆ្នាំ២០២៦ ហើយបានរាយការណ៍ឱ្យមន្ត្រីជំនាញយកទៅកម្ទេច។ នគរបាលអំពាវនាវកុំប៉ះពាល់វត្ថុសង្ស័យ និងរាយការណ៍ភ្លាម។

(បាត់ដំបង)៖ កាលពីថ្ងៃទី២១ ខែកក្កដា ឆ្នាំ២០២៦ វេលាម៉ោង១៤:៣០នាទី ប្រជាពលរដ្ឋបានប្រទះឃើញគ្រាប់យុទ្ធភ័ណ្ឌមិនទាន់ផ្ទុះចំនួន២០គ្រាប់ នៅចំណុចស្រះទឹកវាលស្រែ ក្រុមទី៩ ភូមិព្រៃទទឹង ឃុំជ្រៃ ស្រុកថ្មគោល ខេត្តបាត់ដំបង ភ្លាមនោះក៏បានរាយការណ៍ជូនសមត្ថកិច្ច និងមន្រ្តីជំនាញមជ្ឈមណ្ឌលសកម្មភាពកំចាត់មីនកម្ពុជា (CMAC) យកទៅកម្ទេចចោលតាមបច្ចេកទេស។នេះបើយោងតាមអគ្គស្នងការដ្ឋាននគរបាលជាតិ។ 

 គ្រាប់យុទ្ធភ័ណ្ឌមិនទាន់ផ្ទុះចំនួន២០គ្រាប់នោះរួមាន៖ មីន POHZ2 (60mm) ចំនួន ០៩គ្រាប់, មីន Type 69 (60mm)ចំនួន ០៦គ្រាប់, មីន MBV78A1 (60mm) ចំនួន ០៤គ្រាប់ និងគ្រាប់មូល F1 (55mm) ចំនួន ០១គ្រាប់។

 ក្នុងឱកាសនោះ នគរបាលស្រុកថ្មគោល បានធ្វើការអំពាវនាវដល់ប្រជាពលរដ្ឋដែលរស់នៅក្នុងមូលដ្ឋានទាំងអស់ សូមឱ្យមានការប្រុងប្រយ័ត្នខ្ពស់ចំពោះយុទ្ធភ័ណ្ឌមិនទាន់ផ្ទុះ ឬសំណល់ជាតិផ្ទុះផ្សេងៗ។ ប្រសិនបើប្រទះឃើញ សូមកុំប៉ះពាល់ឱ្យសោះ ហើយត្រូវរាយការណ៍ជាបន្ទាន់ជូនសមត្ថកិច្ចដែលនៅជិតបំផុត ដើម្បីជៀសវាងការកើតមានគ្រោះថ្នាក់ជាយថាហេតុ៕

 ដោយ៖ ធី លីថូ

## Published fields

- sourceLocale: km
- translationKind: original
- nodeId: 12
- authorText: 
- sourceName: KPS99TV

## References