{"asset":"news","key":"7945","locale":"km","id":"news:7945:km","entityId":"news:7945","canonicalUrl":"https://www.kps-tv.com/km/news/detail/7945","state":"ready","title":"​ស្ពានឆ្លងទន្លេបាសាក់ចាក់អង្រែក្រោម-ព្រែកប្រាសាងសង់បាន៧៩ភាគរយហើយគ្រោងភ្ជាប់គ្នានៅចុងឆ្នាំ២០២៦","summary":"គម្រោងស្ពានចាក់អង្រែក្រោម-ព្រែកប្រាសម្រេច៧៩%នៅដើមខែកក្កដា ឆ្នាំ២០២៦។ អ្នកនាំពាក្យក្រសួងសាធារណការបញ្ជាក់ថា ស្ពានគ្រោងភ្ជាប់គ្នានៅចុងឆ្នាំ២០២៦ និងត្រៀមបញ្ចប់ការសាងសង់នៅចុងឆ្នាំ២០២៧។","body":"គម្រោងស្ថាបនាស្ពានឆ្លងទន្លេបាសាក់ចាក់អង្រែក្រោម-ព្រែកប្រាសម្រេចបាន ៧៩%ហើយ គិតត្រឹមដើមខែកក្កដាឆ្នាំ២០២៦នេះ។ បើតាមឯកឧត្តម ផន រឹម អ្នកនាំពាក្យក្រសួងសាធារណការ និងដឹកជញ្ជូន នៅចុងឆ្នាំ២០២៦ខាងមុខ ស្ពានឆ្លងទន្លេបាសាក់ចាក់អង្រែក្រោម-ព្រែកប្រា នឹងត្រូវភ្ជាប់គ្នាហើយ ដែលជាដំណាក់កាលនៃការភ្ជាប់និស្ស័យអ្នកត្រើយខាងលិច និងត្រើយខាងទន្លេ។ \n\nឯកឧត្តម ផន រឹម បានបញ្ជាក់លើទំព័រហ្វេសប៊ុកផ្លូវការនៅថ្ងៃទី២២ ខែកក្កដាថា វឌ្ឍនភាពគម្រោងរួមមាន ៖ ១/ ផ្នែកគ្រឹះស្ពាន សម្រេច ១០០%។ ២/ រចនាសម្ព័ន្ធ ក្រោមស្ពានសម្រេចបាន១០០ % ។ ៣/ រចនាសម្ព័ន្ធលើនៃស្ពានតភ្ជាប់ សម្រេចបាន១០០%។ ៤/ រចនាសម្ព័ន្ធលើនៃស្ពានមេ សម្រេចបាន៨៤%។ ៥/បណ្តាញ ផ្លូវសម្រេចបាន ៥១% (តភ្ជាប់ ប្រវែង ៨០៤,៣០ម. សម្រេចបាន ៥០% និងផ្លូវបង្វែរទិស( Ram) ប្រវែង ១,៥៤១ម. សម្រេចបាន ៥០%)។\n\nស្ពានចាក់អង្រែក្រោម-ព្រែកប្រា សម្ពោធបើកការដ្ឋាននៅព្រឹកថ្ងៃទី១៩ ខែកុម្ភៈ ឆ្នាំ២០២៤ ក្រោមអធិបតីភាពសម្តេចធិបតី ហ៊ុន ម៉ាណែត នាយករដ្ឋមន្ត្រី និងឯកឧត្តម វ៉ាង វិនធៀន ឯកអគ្គរដ្ឋទូតចិនប្រចាំកម្ពុជា។ តាមប្រតិទិន ដំណើរការស្ថាបនាមិនមានភាពយឺតយ៉ាវជាងកម្មវិធីការងារដែលគ្រោងទុកទេ ដោយត្រៀមបញ្ចប់នៅចុងឆ្នាំ២០២៧ខាងមុខ៕ \n\nដោយ៖ ង៉ែត ពិសាន្ត","contentScope":"full","proof":{"publishedSourceRevision":"1","publishedWorkingVersionId":"12699","languageVersionId":"5260","visibilityVersion":"2","versionToken":"a1.tEQKIy9qrfNKYAFokC-2ITIUxh13MrB6X9Wsn9ploXE"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":"KPS99TV"},"references":[],"links":[],"publishedAt":"2026-07-23T02:51:51Z"}