{"asset":"news","key":"7951","locale":"km","id":"news:7951:km","entityId":"news:7951","canonicalUrl":"https://www.kps-tv.com/km/news/detail/7951","state":"ready","title":"ឯកឧត្តម សុទ្ធ គឹមកុលមុនី ចុះតាមដានផលប៉ះពាល់ស្រូវរដូវវស្សា និងជំរុញការអន្តរាគមន៍ផ្គត់ផ្គង់ទឹកនៅខេត្តបាត់ដំបង","summary":"មន្ត្រីបានចុះពិនិត្យផលប៉ះពាល់ស្រូវរដូវវស្សា និងការអន្តរាគមន៍ផ្គត់ផ្គង់ទឹកនៅខេត្តបាត់ដំបង ថ្ងៃទី២២ ខែកក្កដា ឆ្នាំ២០២៦ ដោយជំរុញការសហការបែងចែក និងបង្វែរទឹកឱ្យទៅដល់ចុងប្រឡាយ និងស្រែខ្វះទឹក។","body":"អនុវត្តតាមអនុសាសន៍ ឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្ត្រី អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ (គ.ជ.គ.ម.) កាលពីថ្ងៃទី២២ ខែកក្កដា ឆ្នាំ២០២៦ ឯកឧត្តម សុទ្ធ គឹមកុលមុនី អគ្គលេខាធិការរង គ.ជ.គ.ម. រួមជាមួយលោក គង់ គា ប្រធាននាយកដ្ឋានដំណាំស្រូវ នៃក្រសួងកសិកម្ម រុក្ខាប្រមាញ់ និងនេសាទ បានចុះពិនិត្យ តាមដាន និងវាយតម្លៃផលប៉ះពាល់លើដំណាំស្រូវរដូវវស្សា ព្រមទាំងពិនិត្យការអន្តរាគមន៍ផ្គត់ផ្គង់ទឹកជូនប្រជាកសិករ នៅក្នុងខេត្តបាត់ដំបង។\n\n បេសកកម្មនេះធ្វើឡើងក្នុងគោលបំណងពិនិត្យស្ថានភាពជាក់ស្តែង និងជំរុញការអនុវត្តវិធានការអន្តរាគមន៍ឱ្យមានប្រសិទ្ធភាព ស្របតាមការណែនាំរបស់ ឯកឧត្តមកិត្តិសង្គហបណ្ឌិត គន់ គីម ដែលបានជំរុញឱ្យអាជ្ញាធរខេត្ត មន្ទីរជំនាញ និងស្ថាប័នពាក់ព័ន្ធ សហការគ្នាតាមដានស្ថានភាពទឹកជាប្រចាំ ដោយរៀបចំការបែងចែក បិទ និងរុញទឹកឱ្យហូរទៅដល់ចុងប្រឡាយ ដើម្បីធានាថាប្រជាកសិករទទួលបានទឹកសម្រាប់សង្គ្រោះដំណាំស្រូវ។\n\n ជាក់ស្តែង ប្រជាពលរដ្ឋ និងប្រជាកសិករ បានចូលរួមសហការយ៉ាងសកម្មក្នុងការរៀបចំ និងបង្វែរប្រភពទឹក តាមការណែនាំរបស់អាជ្ញាធរ និងក្រុមការងារជំនាញ ដែលបានជួយឱ្យទឹកអាចហូរទៅដល់តំបន់ចុងប្រឡាយ និងស្រែដែលកំពុងប្រឈមការខ្វះខាតទឹក។\n\n ក្នុងឱកាសនោះ ប្រជាកសិករក៏បានសម្តែងនូវការអរគុណចំពោះ ឯកឧត្តមកិត្តិសង្គហបណ្ឌិត គន់ គីម ដែលបានដឹកនាំ និងសម្របសម្រួលកិច្ចអន្តរាគមន៍ជាមួយក្រសួង ស្ថាប័ន និងអាជ្ញាធរពាក់ព័ន្ធ ដើម្បីធានាការផ្គត់ផ្គង់ទឹកជួយសង្គ្រោះដំណាំស្រូវ និងកាត់បន្ថយផលប៉ះពាល់ដល់ជីវភាពប្រជាពលរដ្ឋ។\n\n ជាមួយគ្នានេះ គណៈកម្មាធិការជាតិគ្រប់គ្រងគ្រោះមហន្តរាយ ក៏បានថ្លែងអំណរគុណដល់ក្រសួងកសិកម្ម រុក្ខាប្រមាញ់ និងនេសាទ ក្រសួងធនធានទឹក និងឧតុនិយម អាជ្ញាធរគ្រប់លំដាប់ថ្នាក់ ព្រមទាំងប្រជាពលរដ្ឋ ដែលបានសហការយ៉ាងជិតស្និទ្ធក្នុងការអនុវត្តវិធានការចែកចាយទឹក និងអន្តរាគមន៍សង្គ្រោះដំណាំស្រូវ ដើម្បីរក្សាទិន្នផល និងកាត់បន្ថយផលប៉ះពាល់ពីការខ្វះខាតទឹកក្នុងរដូវវស្សា៕\n\n ដោយ៖ ប៉ៃ សុឃីម","contentScope":"full","proof":{"publishedSourceRevision":"1","publishedWorkingVersionId":"12670","languageVersionId":"5173","visibilityVersion":"2","versionToken":"a1.azVqwOrCt_z0jRT20Xi9yk4tGjucPnIR-NOVNPTniC8"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":"KPS99TV"},"references":[],"links":[],"publishedAt":"2026-07-23T07:27:48Z"}