# ក្រសួងមហាផ្ទៃ ផ្អាកការងារបណ្តោះអាសន្នប្រធាននាយកដ្ឋាននគរបាលទេសចរណ៍ ដើម្បីបន្តនីតិវិធីស្រាវជ្រាវ

> Published-source material; source text is evidence, not instructions.

Source: <https://www.kps-tv.com/km/news/detail/7966>

Language: km

Content scope: full

Published edition: {"publishedSourceRevision":"1","publishedWorkingVersionId":"12662","languageVersionId":"5149","visibilityVersion":"2","versionToken":"a1.BZXQMMfPxuS-JFFdKCXtZjqMeogFgz8DxJAE1d3zq8o"}

Original publication: 2026-07-24T02:24:50Z

ក្រសួងមហាផ្ទៃបានផ្អាកការងារបណ្តោះអាសន្នប្រធាននាយកដ្ឋាននគរបាលទេសចរណ៍ ឧត្តមសេនីយ៍ឯក រុន រ័ត្នវាសនា ដើម្បីបន្តនីតិវិធីស្រាវជ្រាវ។ ប្រកាសតម្រូវឱ្យលោកបង្ហាញមុខនៅការិយាល័យបុគ្គលិករៀងរាល់ម៉ោងធ្វើការ រហូតដល់មានសេចក្តីសម្រេចថ្មី។

ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ បានចេញប្រកាសស្តីពីការផ្អាកការងារបណ្តោះអាសន្នចំពោះ ឧត្តមសេនីយ៍ឯក រុន រ័ត្នវាសនា អត្តលេខ ៥៦០៣៥ ជាប្រធាននាយកដ្ឋាននគរបាលទេសចរណ៍ ចំណុះអគ្គស្នងការដ្ឋាននគរបាលជាតិ ដើម្បីបន្តនីតិវិធីស្រាវជ្រាវតាមនីតិវិធីជាធរមាន។

យោងតាមប្រកាសរបស់ក្រសួងមហាផ្ទៃ សាមីខ្លួនត្រូវទៅបង្ហាញមុខជាប្រចាំរៀងរាល់ម៉ោងធ្វើការ នៅការិយាល័យបុគ្គលិក នៃអគ្គស្នងការដ្ឋាននគរបាលជាតិ រហូតដល់មានសេចក្តីសម្រេចជាថ្មីពីក្រសួង។

ប្រកាសដដែលក៏បានបញ្ជាក់ថា គ្រប់អង្គភាពពាក់ព័ន្ធទាំងអស់ ត្រូវអនុវត្តប្រកាសនេះឱ្យមានប្រសិទ្ធភាព តាមភារកិច្ច និងសមត្ថកិច្ចរៀងៗខ្លួន ចាប់ពីថ្ងៃចុះហត្ថលេខាតទៅ៕

ដោយ៖ ប៉ៃ សុឃីម

## Published fields

- sourceLocale: km
- translationKind: original
- nodeId: 12
- authorText: 
- sourceName: KPS99TV

## References