{"asset":"news","key":"7968","locale":"km","id":"news:7968:km","entityId":"news:7968","canonicalUrl":"https://www.kps-tv.com/km/news/detail/7968","state":"ready","title":"ថ្នាក់ដឹកនាំ គ.ជ.គ.ម. បន្តចុះអន្តរាគមន៍ទឹកសង្គ្រោះស្រូវនៅបាត់ដំបង តាមបទបញ្ជារបស់ឯកឧត្តមកិត្តិសង្គហបណ្ឌិត គន់ គីម","summary":"នៅថ្ងៃទី២៣ ខែកក្កដា ឆ្នាំ២០២៦ ក្រុមការងារ គ.ជ.គ.ម. បានចុះតាមដាន និងអន្តរាគមន៍ផ្គត់ផ្គង់ទឹកសង្គ្រោះស្រូវនៅស្រុកសង្កែ និងស្រុកថ្មគោល ខេត្តបាត់ដំបង តាមការណែនាំរបស់ឯកឧត្តម គន់ គីម។","body":"អនុវត្តតាមបទបញ្ជា និងការណែនាំដ៏ខ្ពង់ខ្ពស់របស់ឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្ត្រី និងជាអនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ (គ.ជ.គ.ម.) នៅថ្ងៃទី២៣ ខែកក្កដា ឆ្នាំ២០២៦ ឯកឧត្តម សុទ្ធ គឹមកុលមុនី អគ្គលេខាធិការរង គ.ជ.គ.ម. បានដឹកនាំក្រុមការងារបន្តចុះតាមដានការវាយតម្លៃផលប៉ះពាល់ និងការអន្តរាគមន៍ផ្គត់ផ្គង់ទឹក ដើម្បីសង្គ្រោះដំណាំស្រូវរដូវវស្សារបស់ប្រជាកសិករ នៅឃុំកំពង់ព្រៀង ស្រុកសង្កែ ខេត្តបាត់ដំបង។\n\nដំណើរចុះពិនិត្យនេះ មានការចូលរួមពីលោក គង់ គា ប្រធាននាយកដ្ឋានដំណាំស្រូវ នៃក្រសួងកសិកម្ម រុក្ខាប្រមាញ់ និងនេសាទ តំណាងមន្ទីរកសិកម្ម មន្ទីរធនធានទឹក និងឧតុនិយម ព្រមទាំងអាជ្ញាធរខេត្តបាត់ដំបង ដើម្បីពិនិត្យស្ថានភាពជាក់ស្តែង និងជំរុញការអន្តរាគមន៍ឱ្យបានទាន់ពេលវេលា។\n\nនៅរសៀលថ្ងៃដដែល ឯកឧត្តម សុទ្ធ គឹមកុលមុនី បានបន្តចុះពិនិត្យការបញ្ជូន និងចែកចាយទឹកនៅសហគមន៍កសិកម្មទំនើបថ្មគោល ស្រុកថ្មគោល បន្ទាប់ពីបានសម្របសម្រួលឱ្យមានការបញ្ជូនទឹកពីទំនប់បវេល មកកាន់តំបន់ដែលកំពុងប្រឈមនឹងការខ្វះខាតទឹក។\nជាលទ្ធផល ការផ្គត់ផ្គង់ទឹកបានដំណើរការដោយរលូន ខណៈក្រុមប្រឹក្សាភិបាលសហគមន៍ និងសហភាពសហគមន៍ បានរៀបចំការបូម និងចែកចាយទឹកប្រកបដោយសណ្តាប់ធ្នាប់ និងតម្លាភាព ដោយមានការសម្របសម្រួលពីអាជ្ញាធរមូលដ្ឋាន និងកម្លាំងនគរបាលប៉ុស្តិ៍ ដែលបានចូលរួមគ្រប់គ្រង និងសហការជាមួយប្រជាពលរដ្ឋ ដើម្បីធានាថាទឹកទៅដល់ស្រែរបស់កសិករបានប្រកបដោយប្រសិទ្ធភាព។\n\nសកម្មភាពនេះ សបញ្ជាក់ពីការយកចិត្តទុកដាក់របស់រាជរដ្ឋាភិបាល និងគណៈកម្មាធិការជាតិគ្រប់គ្រងគ្រោះមហន្តរាយ ក្នុងការជួយសង្គ្រោះផលដំណាំ និងកាត់បន្ថយផលប៉ះពាល់ដែលបង្កឡើងដោយការខ្វះខាតទឹក ជាពិសេសក្នុងរដូវវស្សាឆ្នាំ២០២៦នេះ៕\n\nដោយ៖ ប៉ៃ សុឃីម","contentScope":"full","proof":{"publishedSourceRevision":"1","publishedWorkingVersionId":"12660","languageVersionId":"5143","visibilityVersion":"2","versionToken":"a1.8NsiNZt2wy3q8GJwKLt4od22aOCxHoN8esWO9Ckb1Og"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":"KPS99TV"},"references":[],"links":[],"publishedAt":"2026-07-24T03:11:46Z"}