# «មានផ្លូវ គឺមានសង្ឃឹម»៖ ខេត្តកែបបើកការដ្ឋានផ្លូវបេតុងថ្មី ជំរុញសេដ្ឋកិច្ចមូលដ្ឋានឱ្យកាន់តែរីកចម្រើន

> Published-source material; source text is evidence, not instructions.

Source: <https://www.kps-tv.com/km/news/detail/8984>

Language: km

Content scope: full

Published edition: {"publishedSourceRevision":"2","publishedWorkingVersionId":"11227","languageVersionId":"3250","visibilityVersion":"5","versionToken":"a1.AXdkdLWQDN4CVySDsqk2iLpCixvPDohQeNv0rSuNrgw"}

Original publication: 2026-09-18T07:38:05Z

ខេត្តកែបបានបើកការដ្ឋានផ្លូវបេតុងអាមេប្រវែង៥៤៨ម៉ែត្រ ទទឹង៥ម៉ែត្រ នៅភូមិកំពង់ត្រឡាច សង្កាត់ព្រៃធំ ក្រុងកែប នៅថ្ងៃទី១៨ ខែកញ្ញា ឆ្នាំ២០២៦ ដើម្បីសម្រួលការធ្វើដំណើរ និងជំរុញសេដ្ឋកិច្ចមូលដ្ឋាន។

មានប្រសាសន៍នាឱកាសបើកការដ្ឋានផ្លូវបេតុងថ្មី ឯកឧត្តម សោម ពិសិដ្ឋ អភិបាលខេត្តកែប បានគូសបញ្ជាក់ពីសារៈសំខាន់នៃហេដ្ឋារចនាសម្ព័ន្ធក្រោមពាក្យស្លោក «កាលណាមានផ្លូវ គឺមានសង្ឃឹម» ដោយផ្លូវថ្មីនេះនឹងជួយសម្រួលការធ្វើដំណើរ សម្រាលការលំបាក និងជំរុញសកម្មភាពសេដ្ឋកិច្ច-ពាណិជ្ជកម្មរបស់ប្រជាពលរដ្ឋឱ្យកាន់តែប្រសើរឡើង។
 ឯកឧត្តមអភិបាលខេត្តបានមានប្រសាសន៍នេះនៅក្នុងពិធីបើកការដ្ឋានសាងសង់ផ្លូវបេតុងអាមេ ១ខ្សែ ប្រវែង ៥៤៨ ម៉ែត្រ ទទឹង ៥ ម៉ែត្រ ស្ថិតក្នុងភូមិកំពង់ត្រឡាច សង្កាត់ព្រៃធំ ក្រុងកែបនៅព្រឹកថ្ងៃទី១៨ ខែកញ្ញា ឆ្នាំ២០២៦។

 លោក ឃន វុទ្ធី អភិបាលក្រុងកែប បានឱ្យដឹងថាគម្រោងអភិវឌ្ឍន៍ឆ្នាំ២០២៦ ក្រុងទទួលបានការគាំទ្រលើគម្រោងអាទិភាពសរុប ៤៧ គម្រោង រួមមាន ផ្នែកសេដ្ឋកិច្ច (១១), សង្គមកិច្ច (១០), បរិស្ថាននិងធនធានធម្មជាតិ (១៩), និងផ្នែករដ្ឋបាល (៧)។
 នៅឆ្នាំ២០២៦នេះក្រុងកំពុងអនុវត្ត ២ ខ្សែបន្ថែមទៀតក្នុង (ភូមិដំណាក់ចង្អើរ ប្រវែង ២៨៥ ម៉ែត្រ និងខ្សែផ្លូវកំពុងបើកការដ្ឋានថ្មីនេះ ប្រវែង ៥៤៨ ម៉ែត្រ)។
 ឯកឧត្តម សោម ពិសិដ្ឋ អភិបាលខេត្តកែប បានបញ្ជាក់ថា សមិទ្ធផលហេដ្ឋារចនាសម្ព័ន្ធទាំងនេះឆ្លុះបញ្ចាំងពីការយកចិត្តទុកដាក់របស់រដ្ឋបាលខេត្តក្នុងការកែលម្អសោភ័ណភាព និងលើកកម្ពស់គុណភាពជីវិតពលរដ្ឋនៅទូទាំងក្រុងកែបកាន់តែប្រសើឡើង៕ដោយ៖ ប៉ៃ សុឃីម

## Published fields

- sourceLocale: km
- translationKind: original
- nodeId: 12
- authorText: 
- sourceName: 

## References