# ក្ដីសង្ឃឹមថ្មី! ក្រុមហ៊ុនចិនជាង៤០បង្ហាញបំណងមកបោះទុនរកស៊ីនៅកំពង់ស្ពឺ ដែលរំពឹងថានឹងបង្កើតការងាររាប់ម៉ឺនកន្លែង

> Published-source material; source text is evidence, not instructions.

Source: <https://www.kps-tv.com/km/news/detail/9034>

Language: km

Content scope: full

Published edition: {"publishedSourceRevision":"2","publishedWorkingVersionId":"11232","languageVersionId":"3282","visibilityVersion":"4","versionToken":"a1.s0gGC5XS_C7LtiIEEbYZxa9RTNaM6u50g0KlfL35vzM"}

Original publication: 2026-09-19T10:11:45Z

អភិបាលខេត្តកំពង់ស្ពឺ លោក ជាម ច័ន្ទសោភ័ណ បានដឹកនាំប្រតិភូជួបតំណាងក្រុមហ៊ុនចិន៤២ នៅណាននីង នាថ្ងៃទី១៨ ខែកញ្ញា ឆ្នាំ២០២៦។ ក្រុមហ៊ុនទាំងនេះបង្ហាញបំណងវិនិយោគលើវិស័យ៩ និងគ្រោងមកស្វែងយល់ឱកាសក្នុងខេត្ត។

ខេត្តកំពង់ស្ពឺ៖ អភិបាលខេត្តកំពង់ស្ពឺ លោក ជាម ច័ន្ទសោភ័ណ បានបង្ហើបឱ្យដឹងថា ក្រុមហ៊ុនចិនប្រមាណជា៤២ ដែលមកពីឧស្សាហកម្មផ្សេងៗគ្នា បានបង្ហាញពីគម្រោងចង់មកបោះទុនវិនិយោគនៅខេត្តកំពង់ស្ពឺ ក្នុងទំហំទឹកប្រាក់យ៉ាងច្រើននាពេលខាងមុខ ។ ការលើកឡើងនេះ ធ្វើឡើងបន្ទាប់ពីលោកដឹកនាំប្រតិភូខេត្តកំពង់ស្ពឺ ជួបជាមួយអ្នកតំណាងមកពីក្រុមហ៊ុន សហគ្រាសចិន ចំនួន៤២ក្រុមហ៊ុន នៅថ្ងៃទី១៨ ខែកញ្ញា ឆ្នាំ២០២៦ នៅទីក្រុងណាននិង នៃសាធារណរដ្ឋប្រជាមានិតចិន ។

លោក ជាម ច័ន្ទសោភ័ណ អភិបាលខេត្តកំពង់ស្ពឺបានឱ្យដឹងថា ប្រតិភូខេត្តបានជួបជាមួយតំណាងក្រុមហ៊ុន សហគ្រាសចំនួន៤២ក្រុមហ៊ុន ដោយបង្ហាញពីសក្តានុពលសំបូរបែប និងចំនួនអ្នកវិនិយោគយ៉ាងច្រើន ដែលបានបោះទុនរកស៊ីក្នុងខេត្តកំពង់ស្ពឺ ។ ក្នុងនោះតំណាងក្រុមហ៊ុន សហគ្រាសទាំងអស់បានសន្យាថា នឹងមកទស្សនកិច្ចស្វែងយល់និងបោះទុនរកស៊ីក្នុងខេត្តកំពង់ស្ពឺក្នុងពេលឆាប់ៗខាងមុខនេះ ។

អភិបាលខេត្តកំពង់ស្ពឺបានបន្តថា ក្រុមហ៊ុន សហគ្រាសទាំង៤២ ដែលមានបំណងមកបោះដាក់ទុនរកស៊ីក្នុងខេត្តកំពង់ស្ពឺ គឺផ្តោតលើវិស័យចំនួន៩ក្នុងនោះ ១-កសិកម្ម និងកែច្នៃកសិផល ២-ឧស្សាហកម្មនិងផលិតកម្ម ៣-សំណង់ និងសម្ភារៈសំណង់ ៤-ទេសចរណ៍ និងវប្បធម៌ ៥-វិនិយោគ និងពាណិជ្ជកម្ម ៦-បច្ចេកវិទ្យា និងឌីជីថល ៧-រ៉ែ ៨-ឡូជីស្ទឹក និងដឹកជញ្ជូននិង៩-ថាមពលថ្មី និងបរិស្ថាន។
ដោយ៖ ស្រីពី

## Published fields

- sourceLocale: km
- translationKind: original
- nodeId: 12
- authorText: 
- sourceName: 

## References