{"asset":"news","key":"9073","locale":"km","id":"news:9073:km","entityId":"news:9073","canonicalUrl":"https://www.kps-tv.com/km/news/detail/9073","state":"ready","title":"ឯកឧត្តម ហួត ហាក់ អញ្ជើញបួងសួងនៅវត្តព្រះក្រាល លើភ្នំគូលែន","summary":"ខេត្តសៀមរាប៖ នៅថ្ងៃទី២១ ខែកញ្ញា ឆ្នាំ២០២៦ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានអញ្ជើញអុជធូបបួងសួង និងថ្វាយបង្គំព្រះពុទ្ធបដិមាព្រះព្រះក្រាល នៅវត្តព្រះអង្គធំ ស្ថិតក្នុងឧទ្យានជាតិព្រះជ័យវរ្ម័ន–នរោត្តម «ភ្នំគូលែន» ដើម្បីសុំសេចក្ដីសុខ សេចក្ដីចម្រើន និងសុខសន្តិភាព។ វត្តព្រះក្រាលត្រូវបានចាត់ទុកជាទីសក្ការៈសំខាន់មួយ និងជាគោលដៅទេសចរណ៍ដែលមានទាំងតម្លៃសាសនា វប្បធម៌ និងធម្មជាតិ។","body":"ខេត្តសៀមរាប៖ នៅថ្ងៃទី២១ ខែកញ្ញា ឆ្នាំ២០២៦ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានអញ្ជើញអុជធូបបួងសួង និងថ្វាយបង្គំព្រះពុទ្ធបដិមាព្រះព្រះក្រាល នៅវត្តព្រះអង្គធំ ស្ថិតក្នុងឧទ្យានជាតិព្រះជ័យវរ្ម័ន–នរោត្តម «ភ្នំគូលែន» ដើម្បីសុំសេចក្ដីសុខ សេចក្ដីចម្រើន និងសុខសន្តិភាព។\n វត្តព្រះក្រាលត្រូវបានចាត់ទុកជាទីសក្ការៈសំខាន់មួយ និងជាគោលដៅទេសចរណ៍ដែលមានទាំងតម្លៃសាសនា វប្បធម៌ និងធម្មជាតិ។ ទីកន្លែងនេះតែងទទួលស្វាគមន៍ប្រជាពលរដ្ឋ និងភ្ញៀវទេសចរជាតិ-អន្តរជាតិ ដែលអញ្ជើញមកគោរពបូជា សិក្សាស្វែងយល់ពីប្រវត្តិសាស្ត្រ និងទស្សនាសម្រស់ធម្មជាតិនៅតំបន់ភ្នំគូលែន។\n ការអញ្ជើញរបស់ឯកឧត្តម ហួត ហាក់ នៅទីសក្ការៈនេះ បានបង្ហាញពីការយកចិត្តទុកដាក់លើការលើកតម្កើងតម្លៃសាសនា វប្បធម៌ និងធម្មជាតិ ដែលជាផ្នែកសំខាន់នៃសក្តានុពលទេសចរណ៍ខេត្តសៀមរាប។ ភ្នំគូលែននៅតែជាគោលដៅទេសចរណ៍ដ៏មានសារៈសំខាន់សម្រាប់ភ្ញៀវទេសចរជាតិ និងអន្តរជាតិ។\n ភ្នំគូលែនជាបេតិកភណ្ឌប្រវត្តិសាស្ត្រដ៏សម្បូរបែបនៅសៀមរាបស្ថិតនៅក្នុងភូមិគូលែន ឃុំខ្នងភ្នំ ស្រុកស្វាយលើ ខេត្តសៀមរាប និងមានចម្ងាយប្រមាណ ៥៥គីឡូម៉ែត្រពីទីរួមខេត្ត ភ្នំគឺជាតំបន់ដែលមានទំនាក់ទំនងយ៉ាងជិតស្និទ្ធជាមួយប្រវត្តិសាស្ត្រ និងជំនឿរបស់ខ្មែរ។ ភាពលេចធ្លោរបស់តំបន់នេះ មិនត្រឹមតែស្ថិតនៅលើទេសភាពធម្មជាតិប៉ុណ្ណោះទេ ប៉ុន្តែថែមទាំងមានស្លាកស្នាមនៃអរិយធម៌បុរាណដែលនៅសេសសល់រហូតមកដល់សព្វថ្ងៃ។\n ឧទ្យានជាតិព្រះជ័យវរ្ម័ន-នរោត្តម «ភ្នំគូលែន» បានរក្សាទុកសំណង់បុរាណជាច្រើនប្រភេទ ដូចជា ប្រាសាទ ស្ថានីយបុរាណ និងសំណង់ផ្សេងៗដែលពាក់ព័ន្ធនឹងការរស់នៅរបស់មនុស្សក្នុងអតីតកាល។ ដោយសារមានធនធានប្រវត្តិសាស្ត្រចម្រុះ តំបន់នេះបានក្លាយជាប្រភពសំខាន់សម្រាប់អ្នកសិក្សា និងអ្នកស្រាវជ្រាវ ដែលបានចាប់អារម្មណ៍លើភ្នំគូលែនតាំងពីចុងសតវត្សទី១៩ រហូតដល់បច្ចុប្បន្ន។\n ក្រៅពីសម្បត្តិបុរាណ ភ្នំគូលែនក៏មានធនធានធម្មជាតិ និងវប្បធម៌ជាច្រើន រួមមានវត្ថុសិល្បៈ សិលាចារឹក ព្រៃឈើ និងប្រព័ន្ធផ្លូវទឹកធម្មជាតិ។ ការរួមបញ្ចូលគ្នារវាងប្រវត្តិសាស្ត្រ វប្បធម៌ ជំនឿ និងធម្មជាតិ បានធ្វើឱ្យភ្នំគូលែនក្លាយជាតំបន់ដែលមានតម្លៃសម្រាប់ការអភិរក្ស ការសិក្សាស្រាវជ្រាវ និងការអភិវឌ្ឍទេសចរណ៍នៅខេត្តសៀមរាប។ ដោយ៖ សុភ័ក្រ្ត","contentScope":"full","proof":{"publishedSourceRevision":"1","publishedWorkingVersionId":"9548","languageVersionId":"91","visibilityVersion":"3","versionToken":"a1.K7HAt65V-U7Fvu3OV-JAFnUmuzNDqbKtPSAuFT3INGE"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":""},"references":[],"links":[],"publishedAt":"2026-09-21T10:15:28Z"}