{"asset":"news","key":"9086","locale":"km","id":"news:9086:km","entityId":"news:9086","canonicalUrl":"https://www.kps-tv.com/km/news/detail/9086","state":"ready","title":"គម្រោងវិនិយោគជិត៩០លានដុល្លារកំពុងពិនិត្យ រំពឹងបង្កើតការងារជាង១.០០០កន្លែង ប្រសិនបើអនុម័ត","summary":"គណៈកម្មាធិការវិនិយោគកម្ពុជាបានពិនិត្យគម្រោង៦ មានទុនប្រមាណ៨៩លានដុល្លារ នៅថ្ងៃទី២២ ខែកញ្ញា។ ប្រសិនបើការចុះបញ្ជីត្រូវបានអនុម័ត គម្រោងទាំងនេះរំពឹងបង្កើតការងារជាង១.០០០កន្លែង ក្នុងវិស័យ៤ រួមទាំងស្ថានីយថាមពលពន្លឺព្រះអាទិត្យ២ មានអានុភាពសរុប១២៧មេហ្គាវ៉ាត់។","body":"ចរន្តទុនវិនិយោគឯកជននៅតែបន្តបង្ហាញសញ្ញាវិជ្ជមានយ៉ាងខ្លាំងក្លា ខណៈគម្រោងវិនិយោគមានលក្ខណៈសម្បត្តិគ្រប់គ្រាន់ថ្មីចំនួន ៦ ក្នុងទំហំទឹកប្រាក់ប្រមាណ ៨៩លានដុល្លារអាមេរិក ត្រូវបានលើកយកមកពិនិត្យ និងពិភាក្សាក្នុង “កិច្ចប្រជុំច្រកចេញ-ចូលតែមួយ” លើកទី៩ របស់គណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា (CDC) កាលពីព្រឹកថ្ងៃទី២២ ខែកញ្ញា ឆ្នាំ២០២៦។ កិច្ចប្រជុំដ៏មានសារៈសំខាន់នេះ ដឹកនាំដោយលោក ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា រួមជាមួយតំណាងក្រសួង-ស្ថាប័ន និងរដ្ឋបាលខេត្តពាក់ព័ន្ធ ដោយរំពឹងថានឹងអាចស្រូបទាញកម្លាំងពលកម្ម និងបង្កើតឱកាសការងារជូនប្រជាពលរដ្ឋបានជាង ១.០០០កន្លែង ប្រសិនបើការចុះបញ្ជីត្រូវបានអនុម័តជាផ្លូវការ។\n\n ការវិនិយោគថ្មីៗទាំងនេះឆ្លុះបញ្ចាំងពីការរីកចម្រើនប្រកបដោយភាពចម្រុះ ដែលគ្របដណ្តប់លើវិស័យយុទ្ធសាស្ត្រសំខាន់ៗចំនួន ៤ រួមមាន វិស័យកសិកម្ម និងកសិ-ឧស្សាហកម្ម ចំនួន ២គម្រោង (រោងចក្រកែច្នៃកៅស៊ូ និងកសិដ្ឋានចិញ្ចឹមមាន់ព្រមទាំងរោងចក្រកែច្នៃ), វិស័យឧស្សាហកម្ម ចំនួន ១គម្រោង ផ្តោតលើការផលិតសម្ភារៈប្រើប្រាស់ក្នុងផ្ទះពីលោហធាតុដើម្បីលើកកម្ពស់ខ្សែច្រវាក់ផលិតកម្មក្នុងស្រុក, និងវិស័យទេសចរណ៍ ចំនួន ១គម្រោង ដែលជាការបង្កើតរមណីយដ្ឋានទេសចរណ៍កែច្នៃរួមផ្សំនឹងសិប្បកម្មផលិតវត្ថុសិល្បៈ សំដៅជំរុញសេដ្ឋកិច្ចសហគមន៍។\n\n ទន្ទឹមនឹងនេះ វិស័យហេដ្ឋារចនាសម្ព័ន្ធក៏លេចធ្លោខ្លាំងគួរឱ្យកត់សម្គាល់ តាមរយៈគម្រោងអភិវឌ្ឍន៍ស្ថានីយផលិតអគ្គិសនីដើរដោយថាមពលពន្លឺព្រះអាទិត្យចំនួន ២គម្រោង ដែលមានអានុភាពសរុបរហូតដល់ ១២៧មេហ្គាវ៉ាត់ (១០០មេហ្គាវ៉ាត់ និង ២៧មេហ្គាវ៉ាត់)។ ការពង្រីកប្រភពថាមពលបៃតងនេះ មិនត្រឹមតែជួយឆ្លើយតបទៅនឹងតម្រូវការប្រើប្រាស់អគ្គិសនីដែលកំពុងកើនឡើងសម្រាប់ការអភិវឌ្ឍសេដ្ឋកិច្ចជាតិប៉ុណ្ណោះទេ ប៉ុន្តែថែមទាំងជាកាតាលីករដ៏សំខាន់ក្នុងការជំរុញការប្រើប្រាស់ថាមពលកកើតឡើងវិញ និងលើកកម្ពស់ភាពប្រកួតប្រជែងនៃការវិនិយោគនៅកម្ពុជាឱ្យកាន់តែរឹងមាំបន្ថែមទៀត។ដោយ៖ស្រីពី","contentScope":"full","proof":{"publishedSourceRevision":"2","publishedWorkingVersionId":"12775","languageVersionId":"3121","visibilityVersion":"5","versionToken":"a1.RDXwZciX0pSL1-EexXM7MsWzzX0-gpo8QgQ-KiHlaB0"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":""},"references":[],"links":[],"publishedAt":"2026-09-22T09:10:32Z"}