{"asset":"news","key":"9393","locale":"km","id":"news:9393:km","entityId":"news:9393","canonicalUrl":"https://www.kps-tv.com/km/news/detail/9393","state":"ready","title":"កម្ពុជា-គុយបា ចុះអនុស្សរណៈថ្មី ពង្រឹងកិច្ចសហប្រតិបត្តិការវិស័យទេសចរណ៍","summary":"កម្ពុជា និងគុយបាចុះអនុស្សរណៈសហប្រតិបត្តិការទេសចរណ៍នៅខេត្តសៀមរាប ដើម្បីជំរុញការផ្លាស់ប្តូរបទពិសោធន៍ និងធ្វើពិពិធកម្មទីផ្សារ ដោយមានឯកឧត្តម ហួត ហាក់ និងលោកជំទាវ Milena Caridad Zaldívar Piedra ជាអ្នកចុះហត្ថលេខា។","body":"សៀមរាប៖ ក្រសួងទេសចរណ៍កម្ពុជា និងក្រសួងទេសចរណ៍នៃសាធារណរដ្ឋគុយបា បានចុះអនុស្សរណៈនៃការយោគយល់គ្នាស្តីពីកិច្ចសហប្រតិបត្តិការទេសចរណ៍ ដើម្បីបង្កើនការសហការនិងពង្រីកទំនាក់ទំនងក្នុងវិស័យទេសចរណ៍រវាងប្រទេសទាំងពីរ។ កិច្ចព្រមព្រៀងនេះត្រូវបានចុះហត្ថលេខាដោយ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ និងលោកជំទាវ Milena Caridad Zaldívar Piedra ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋគុយបាប្រចាំព្រះរាជាណាចក្រកម្ពុជា នៅខេត្តសៀមរាប ក្រោមគោលការណ៍អនុញ្ញាតដ៏ខ្ពង់ខ្ពស់ពីរាជរដ្ឋាភិបាលកម្ពុជា។\n\n តាមរយៈអនុស្សរណៈនេះ ភាគីទាំងពីរនឹងមានក្របខណ្ឌសម្រាប់ជំរុញកិច្ចសហប្រតិបត្តិការទេសចរណ៍ ការផ្លាស់ប្តូរបទពិសោធន៍ និងចំណេះដឹង ព្រមទាំងការចែករំលែកការអនុវត្តល្អៗក្នុងវិស័យទេសចរណ៍។ ជាពិសេស កិច្ចសហការនេះនឹងជួយបើកឱកាសឱ្យកម្ពុជាពង្រីក និងធ្វើពិពិធកម្មទីផ្សារទេសចរណ៍ទៅកាន់តំបន់អាមេរិកឡាទីន ដោយផ្អែកលើគោលការណ៍សមភាព និងផលប្រយោជន៍រួម។\n គួរបញ្ជាក់ថា កម្ពុជា និងសាធារណរដ្ឋគុយបា បានបង្កើតទំនាក់ទំនងការទូតតាំងពីឆ្នាំ១៩៦០ ហើយគិតត្រឹមឆ្នាំ២០២៦នេះ ទំនាក់ទំនងរវាងប្រទេសទាំងពីរមានរយៈពេល៦៦ឆ្នាំ។ ការចុះអនុស្សរណៈស្តីពីកិច្ចសហប្រតិបត្តិការទេសចរណ៍នេះ ជាជំហានមួយក្នុងការពង្រឹងទំនាក់ទំនង និងបង្កើនកិច្ចសហប្រតិបត្តិការរវាងកម្ពុជា និងគុយបា ក្នុងវិស័យទេសចរណ៍៕ដោយ៖សុភ័ក្រ្ត","contentScope":"full","proof":{"publishedSourceRevision":"3","publishedWorkingVersionId":"11094","languageVersionId":"2993","visibilityVersion":"5","versionToken":"a1.K1avrQyXm6liil7w8wIwYvigJfH7s5ZNgLe7nUClqSU"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":""},"references":[],"links":[],"publishedAt":"2026-09-28T07:16:07Z"}