# កម្ពុជា-វៀតណាម ចែករំលែកបទពិសោធន៍ អំពីការកែទម្រង់រដ្ឋបាលសាធារណៈ ការអភិវឌ្ឍទីក្រុង និងកិច្ចសហប្រតិបត្តិការទ្វេភាគី! 

> Published-source material; source text is evidence, not instructions.

Source: <https://www.kps-tv.com/km/news/detail/9424>

Language: km

Content scope: full

Published edition: {"publishedSourceRevision":"3","publishedWorkingVersionId":"11082","languageVersionId":"2969","visibilityVersion":"6","versionToken":"a1.ANrOA9PpLxRa0P2IzAgaYL9yUIZt9kKX7lwqxjinkeo"}

Original publication: 2026-09-29T01:41:17Z

លោក ហ៊ុន ម៉ានី បានដឹកនាំគណៈប្រតិភូកម្ពុជា ផ្លាស់ប្តូរបទពិសោធន៍ជាមួយថ្នាក់ដឹកនាំទីក្រុងហៃហ្វុង និង VNPT លើរដ្ឋបាលសាធារណៈ ការអភិវឌ្ឍទីក្រុង និងទូរគមនាគមន៍ ព្រមទាំងទស្សនាសារមន្ទីរនៅវៀតណាម។

ឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ បានដឹកនាំគណៈប្រតិភូកម្ពុជា អញ្ជើញជួបពិភាក្សា និងចែករំលែកបទពិសោធន៍ ជាមួយ លោក ដាវ ជុង ឌឹក អនុប្រធានគណៈកម្មាធិការប្រជាជនទីក្រុងហៃហ្វុង អំពីការកែទម្រង់រដ្ឋបាលសាធារណៈ ការអភិវឌ្ឍទីក្រុងនៅប្រទេសវៀតណាម និងកិច្ចសហប្រតិបត្តិការទ្វេភាគីរវាងប្រទេសទាំងពីរ ព្រមទាំងបានស្វែងយល់បន្ថែមអំពីសក្តានុពលសេដ្ឋកិច្ចរបស់ទីក្រុងហៃហ្វុង នៅប្រទេសវៀតណាម។ នេះបើយោងតាមការបង្ហោះលើបណ្ដាញសង្គមហ្វេសប៊ុក របស់ ឯកឧត្តម ហ៊ុន ម៉ានី នាយប់ថ្ងៃទី២៨ ខែកញ្ញា ឆ្នាំ២០២៦។ 

 ជាមួយគ្នានេះ គណៈប្រតិភូក៏បានផ្លាស់ប្តូរយោបល់ជាមួយ ឯកឧត្តម តូ ហ្ស៊ុង ថាយ ប្រធានក្រុមប្រឹក្សាភិបាលសាជីវកម្មប្រៃសនីយ៍ និងទូរគមនាគមន៍វៀតណាម និងទស្សនកិច្ចនៅសារមន្ទីរ VNPT ជុំវិញបទពិសោធក្នុងការអភិវឌ្ឍវិស័យទូរគមនាគមន៍ និងបច្ចេកវិទ្យា។

 ក្នុងឱកាសនៃដំណើរទស្សនកិច្ចនេះ គណៈប្រតិភូកម្ពុជា ក៏បានទស្សនាសារមន្ទីរប្រវត្តិសាស្ត្រយោធាថ្មីរបស់វៀតណាម និងស្តូបអនុស្សាវរីយ៍រម្លឹកដល់ការរួមចំណែករបស់មិត្តអន្តរជាតិក្នុងការបង្រួបបង្រួមជាតិរបស់ប្រទេសវៀតណាម ក្នុងនោះរួមទាំងកម្ពុជាផងដែរ៕ដោយ៖ ស្រីពី

## Published fields

- sourceLocale: km
- translationKind: original
- nodeId: 12
- authorText: 
- sourceName: 

## References