# ក្រសួងសុខាភិបាល អំពាវនាវឱ្យប្រជាពលរដ្ឋបង្កើនការប្រុងប្រយ័ត្នការពារសុខភាព ក្នុងឱកាសពិធីបុណ្យកាន់បិណ្ឌ និងភ្ជុំបិណ្ឌ ឆ្នាំ២០២៦

> Published-source material; source text is evidence, not instructions.

Source: <https://www.kps-tv.com/km/news/detail/9445>

Language: km

Content scope: full

Published edition: {"publishedSourceRevision":"3","publishedWorkingVersionId":"11066","languageVersionId":"2915","visibilityVersion":"8","versionToken":"a1.zK91L2Rz6oWIY9METgcZ_RUyOfCbA8P_-TdJScIxgT4"}

Original publication: 2026-09-30T03:06:20Z

ក្រសួងសុខាភិបាលអំពាវនាវឱ្យប្រជាពលរដ្ឋប្រុងប្រយ័ត្នការពុលអាហារ និងស្រា រក្សាអនាម័យដៃ ពាក់ម៉ាស់នៅទីប្រជុំជន និងប្រុងប្រយ័ត្នចរាចរណ៍ ក្នុងឱកាសកាន់បិណ្ឌ និងភ្ជុំបិណ្ឌ ឆ្នាំ២០២៦។

ដើម្បីចូលរួមអបអរសាទរ និងធានាឱ្យពិធីបុណ្យកាន់បិណ្ឌ និងភ្ជុំបិណ្ឌ ឆ្នាំ២០២៦ នេះ ប្រព្រឹត្តទៅដោយរលូន និងប្រកបដោយសុខុមាលភាពល្អ ក្រសួងសុខាភិបាលបានចេញសេចក្តីអំពាវនាវ និងក្រើនរំលឹកដល់បងប្អូនប្រជាពលរដ្ឋទាំងអស់ ត្រូវបន្តយកចិត្តទុកដាក់ប្រុងប្រយ័ត្នខ្ពស់ក្នុងការថែរក្សាសុខភាពផ្ទាល់ខ្លួន ក្រុមគ្រួសារ និងសហគមន៍។
 ក្រសួងបានសង្កត់ធ្ងន់លើការអនុវត្តវិធានការចាំបាច់មួយចំនួន រួមមាន បង្កើនការប្រុងប្រយ័ត្នខ្ពស់ចំពោះការបរិភោគ ដើម្បីបង្ការករណីពុលចំណីអាហារ និងការពុលស្រា ដែលអាចកើតឡើងជាយថាហេតុ។
 បន្តទប់ស្កាត់ការឆ្លងរាលដាលនៃជំងឺផ្លូវដង្ហើម ជំងឺផ្តាសាយធំ ជំងឺផ្តាសាយបក្សី ជំងឺកូវីដ-១៩ និងជំងឺឆ្លងផ្សេងៗទៀត តាមរយៈការរក្សាអនាម័យដៃស្អាត និងពាក់ម៉ាស់នៅទីប្រជុំជនដែលមានមនុស្សច្រើន។
  ត្រូវប្រុងប្រយ័ត្នខ្ពស់ដើម្បីចៀសវាងគ្រោះថ្នាក់ចរាចរណ៍ ក្នុងអំឡុងពេលធ្វើដំណើរទៅស្រុកកំណើត និងទៅកាន់ទីវត្តអារាម។
 អាជ្ញាធរមានសមត្ថកិច្ច និងមន្ត្រីសុខាភិបាល សង្ឃឹមយ៉ាងមុតមាំថា ប្រជាពលរដ្ឋគ្រប់រូបនឹងចូលរួមសហការអនុវត្តតាមការណែនាំ ដើម្បីភាពសប្បាយរីករាយ និងសុវត្ថិភាពទាំងអស់គ្នាក្នុងរដូវបុណ្យប្រពៃណីជាតិនេះ៕ដោយ៖ ប៉ៃ សុឃីម

## Published fields

- sourceLocale: km
- translationKind: original
- nodeId: 12
- authorText: 
- sourceName: 

## References