{"asset":"news","key":"9505","locale":"km","id":"news:9505:km","entityId":"news:9505","canonicalUrl":"https://www.kps-tv.com/km/news/detail/9505","state":"ready","title":"ធនាគារជាតិកម្ពុជាអំពាវនាវឱ្យចាត់វិធានការតាមច្បាប់លើការផ្សាយព័ត៌មានមិនពិតក្នុងគោលបំណងធ្វើវិទ្ធង្សនាសេដ្ឋកិច្ច","summary":"ធនាគារជាតិនៃកម្ពុជាបដិសេធពាក្យចចាមអារ៉ាមអំពីបញ្ហានៅគ្រឹះស្ថានហិរញ្ញវត្ថុ និងអំពាវនាវឱ្យអាជ្ញាធរចាត់វិធានការលើការផ្សាយព័ត៌មានមិនពិតដោយចេតនា ព្រមទាំងស្នើឱ្យសាធារណជនផ្ទៀងផ្ទាត់ព័ត៌មានតាមប្រភពផ្លូវការ។","body":"ធនាគារជាតិកម្ពុជាបដិសេធចំពោះការផ្សព្វផ្សាយព័ត៌មានចចាមអារ៉ាម ថា គ្រឹះស្ថានធនាគារនិងហិរញ្ញវត្ថុមួយចំនួន កំពុងប្រឈមនឹងបញ្ហា។\n ធនាគារជាតិនៃកម្ពុជា បានចេញសេចក្ដីថ្លែងការណ៍បដិសេធចំពោះការផ្សព្វផ្សាយព័ត៌មានចចាមអារ៉ាម និងព័ត៌មានគ្មានប្រភពច្បាស់លាស់តាមបណ្តាញសង្គម ដែលអះអាងថា គ្រឹះស្ថានធនាគារ និងហិរញ្ញវត្ថុមួយចំនួនកំពុងជួបបញ្ហា ឬអាចប្រឈមនឹងបញ្ហានាពេលខាងមុខ។ ធនាគារជាតិនៃកម្ពុជា បញ្ជាក់ថា ព័ត៌មានទាំងនេះមិនមានមូលដ្ឋានពិតប្រាកដ ហើយអាចបង្កការយល់ច្រឡំ ប៉ះពាល់ដល់ផលប្រយោជន៍សាធារណជន អ្នកប្រើប្រាស់សេវាធនាគារ និងទំនុកចិត្តលើប្រព័ន្ធធនាគារទាំងមូល។\n\n ធនាគារជាតិនៃកម្ពុជា បានថ្កោលទោសចំពោះការផ្សព្វផ្សាយ ឬបំភ្លៃព័ត៌មានមិនពិតដោយចេតនា ក្នុងគោលបំណងធ្វើវិទ្ធង្សនាសេដ្ឋកិច្ច និងបានអំពាវនាវដល់អាជ្ញាធរមានសមត្ថកិច្ចឱ្យចាត់វិធានការតាមច្បាប់ចំពោះបុគ្គលពាក់ព័ន្ធ។ ស្ថាប័ននេះក៏បានបញ្ជាក់ពីសារៈសំខាន់នៃការទប់ស្កាត់ការចែកចាយព័ត៌មានមិនពិត ដែលអាចបង្កផលប៉ះពាល់ដល់ស្ថិរភាព និងទំនុកចិត្តលើវិស័យធនាគារ និងហិរញ្ញវត្ថុ។\n ជាមួយគ្នានេះ ធនាគារជាតិនៃកម្ពុជា អំពាវនាវដល់សាធារណជនឱ្យជៀសវាងការផ្សព្វផ្សាយ ឬចែករំលែកបន្តនូវព័ត៌មានដែលមិនមានប្រភពច្បាស់លាស់ និងត្រូវផ្ទៀងផ្ទាត់ព័ត៌មានតាមប្រភពផ្លូវការ។ ជាពិសេស សាធារណជនគួរយកព័ត៌មានពី ធនាគារជាតិនៃកម្ពុជា និងស្ថាប័នមានសមត្ថកិច្ចពាក់ព័ន្ធ ជាមូលដ្ឋានសម្រាប់ការទទួល និងបញ្ជូនបន្តព័ត៌មាន ដើម្បីចៀសវាងការយល់ច្រឡំ និងផលប៉ះពាល់ដែលអាចកើតមាន។","contentScope":"full","proof":{"publishedSourceRevision":"3","publishedWorkingVersionId":"11043","languageVersionId":"2867","visibilityVersion":"5","versionToken":"a1.9VM1ULMlfuSzbqhDjz69Zn0YIDk9OSdQFvPjGdM7mhI"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":""},"references":[],"links":[],"publishedAt":"2026-10-02T08:04:29Z"}