{"asset":"news","key":"9674","locale":"km","id":"news:9674:km","entityId":"news:9674","canonicalUrl":"https://www.kps-tv.com/km/news/detail/9674","state":"ready","title":"សម្ដេចធិបតី៖ ការរក្សាជីវិតប្រជាពលរដ្ឋ គឺជាអាទិភាពខ្ពស់បំផុតរបស់រាជរដ្ឋាភិបាល","summary":"សម្ដេចធិបតីបានគូសបញ្ជាក់ថា ក្នុងពេលដែលប្រទេសកំពុងប្រឈមមុខនឹងស្ថានការណ៍លំបាកពីរផ្នែក គឺសង្គ្រាមឈ្លានពាន និងគ្រោះទឹកជំនន់ រាជរដ្ឋាភិបាលត្រូវដាក់ការពារជីវិតប្រជាពលរដ្ឋជាកិច្ចការអាទិភាពជាងគេ។ សម្ដេចធិបតីបានសង្កត់ធ្ងន់ថា នៅពេលមានគ្រោះថ្នាក់កើតឡើង ការសង្គ្រោះមនុស្សត្រូវធ្វើជាមុន ដោយមិនគួរយកទ្រព្យសម្បត្តិ ឬសម្ភារៈមកពិចារណាជាអាទិភាពឡើយ។","body":"សម្ដេចធិបតីបានគូសបញ្ជាក់ថា ក្នុងពេលដែលប្រទេសកំពុងប្រឈមមុខនឹងស្ថានការណ៍លំបាកពីរផ្នែក គឺសង្គ្រាមឈ្លានពាន និងគ្រោះទឹកជំនន់ រាជរដ្ឋាភិបាលត្រូវដាក់ការពារជីវិតប្រជាពលរដ្ឋជាកិច្ចការអាទិភាពជាងគេ។ សម្ដេចធិបតីបានសង្កត់ធ្ងន់ថា នៅពេលមានគ្រោះថ្នាក់កើតឡើង ការសង្គ្រោះមនុស្សត្រូវធ្វើជាមុន ដោយមិនគួរយកទ្រព្យសម្បត្តិ ឬសម្ភារៈមកពិចារណាជាអាទិភាពឡើយ។\n សម្ដេចធិបតីបានលើកឡើងថា ប្រសិនបើមានការវាយប្រហារ និងគ្រាប់ផ្លោងធ្លាក់ចូលតំបន់ប្រជាជន អាជ្ញាធរត្រូវប្រញាប់ជម្លៀសពួកគេចេញទៅកាន់ទីតាំងមានសុវត្ថិភាព។ ចំពោះស្ថានភាពទឹកជំនន់វិញ នៅពេលទឹកហូរចូល និងបង្កគ្រោះថ្នាក់ ការងារសំខាន់គឺត្រូវចូលទៅជួយសង្គ្រោះ និងនាំប្រជាពលរដ្ឋចេញពីតំបន់ប្រឈមឱ្យបានឆាប់រហ័ស ដើម្បីរក្សាជីវិតជាមុនសិន។\n សម្ដេចធិបតីបានបញ្ជាក់ថា គោលការណ៍អាទិភាពរបស់រាជរដ្ឋាភិបាល គឺ ទី១ ជីវិត និងទី២ សុខទុក្ខរបស់ប្រជាពលរដ្ឋ។ ការដាក់ជីវិតជាចម្បង មានន័យថា ត្រូវធានាឱ្យប្រជាជនរួចផុតពីកន្លែងគ្រោះថ្នាក់ និងទៅដល់ទីសុវត្ថិភាពជាមុន ខណៈការព្រួយបារម្ភអំពីការខូចខាតទ្រព្យសម្បត្តិអាចដោះស្រាយជាបន្តបន្ទាប់នៅពេលក្រោយ។","contentScope":"full","proof":{"publishedSourceRevision":"3","publishedWorkingVersionId":"10816","languageVersionId":"2340","visibilityVersion":"5","versionToken":"a1.dkbQiae7xf7UHf46ECk6xkT9zl1I7m4LWMyD0JXN8PI"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":""},"references":[],"links":[],"publishedAt":"2026-10-08T03:02:07Z"}