{"asset":"news","key":"9728","locale":"km","id":"news:9728:km","entityId":"news:9728","canonicalUrl":"https://www.kps-tv.com/km/news/detail/9728","state":"ready","title":"សម្តេចធិបតី ហ៊ុន ម៉ាណែត ប្រាប់នាយករដ្ឋមន្រ្តីវៀតណាមពីជំហរកម្ពុជាក្នុងការដោះស្រាយជម្លោះព្រំដែនជាមួយថៃដោយសន្តិវិធី និងការទូត","summary":"សម្តេចមហាបវរធិបតី ហ៊ុន ម៉ាណែត បានជម្រាបជូនឯកឧត្តម ឡេ មិញហ៊ឹង (Le Minh Hung) អំពីការវិវត្តថ្មីៗនៃស្ថានការណ៍ជម្លោះព្រំដែនកម្ពុជា-ថៃ ដោយបានគូសបញ្ជាក់ពីជំហររបស់កម្ពុជាក្នុងការបន្តស្វែងរកដំណោះស្រាយតាមមធ្យោបាយការទូត និងដោយសន្តិវិធី។ កម្ពុជាប្រកាន់ខ្ជាប់នូវគោលការណ៍សន្ទនា និងការគោរពគ្នាទៅវិញទៅមក ដើម្បីដោះស្រាយការខ្វែងគំនិតគ្នា និងបញ្ចៀសការកើនឡើងនៃភាពតានតឹងរវាងប្រទេសទាំងពីរ។","body":"សម្តេចមហាបវរធិបតី ហ៊ុន ម៉ាណែត បានជម្រាបជូនឯកឧត្តម ឡេ មិញហ៊ឹង (Le Minh Hung) អំពីការវិវត្តថ្មីៗនៃស្ថានការណ៍ជម្លោះព្រំដែនកម្ពុជា-ថៃ ដោយបានគូសបញ្ជាក់ពីជំហររបស់កម្ពុជាក្នុងការបន្តស្វែងរកដំណោះស្រាយតាមមធ្យោបាយការទូត និងដោយសន្តិវិធី។ កម្ពុជាប្រកាន់ខ្ជាប់នូវគោលការណ៍សន្ទនា និងការគោរពគ្នាទៅវិញទៅមក ដើម្បីដោះស្រាយការខ្វែងគំនិតគ្នា និងបញ្ចៀសការកើនឡើងនៃភាពតានតឹងរវាងប្រទេសទាំងពីរ។\n\n ជាមួយគ្នានេះ សម្តេចធិបតីបានសង្កត់ធ្ងន់ថា ការដោះស្រាយបញ្ហាព្រំដែនត្រូវផ្អែកលើច្បាប់អន្តរជាតិ និងអនុលោមតាមអនុសញ្ញា សន្ធិសញ្ញា និងកិច្ចព្រមព្រៀងដែលមានស្រាប់រវាងកម្ពុជា និងថៃ។ ជំហរនេះបង្ហាញពីការប្តេជ្ញាចិត្តរបស់កម្ពុជាក្នុងការប្រើប្រាស់យន្តការច្បាប់អន្តរជាតិជាមូលដ្ឋាន ដើម្បីស្វែងរកដំណោះស្រាយប្រកបដោយភាពយុត្តិធម៌ និងអាចទទួលយកបាន ដោយគោរពអធិបតេយ្យភាព និងផលប្រយោជន៍ស្របច្បាប់របស់ប្រទេសទាំងពីរ។\n\n តាមរយៈការបន្តសន្ទនា និងកិច្ចសហប្រតិបត្តិការជាមួយភាគីថៃ កម្ពុជារំពឹងថា ភាគីទាំងពីរនឹងអាចឈានទៅរកដំណោះស្រាយដែលមានភាពយុត្តិធម៌ យូរអង្វែង និងបម្រើផលប្រយោជន៍របស់ប្រជាជនទាំងសងខាងនិងទំនាក់ទំនងល្អរវាងប្រទេសជិតខាង។","contentScope":"full","proof":{"publishedSourceRevision":"3","publishedWorkingVersionId":"10781","languageVersionId":"2258","visibilityVersion":"4","versionToken":"a1.uKpYXuYb6ge9JsUan2YA-RlY_LvKK8i1VVV6clZpLVs"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":""},"references":[],"links":[],"publishedAt":"2026-10-10T02:45:49Z"}