# កម្លាំងកងរាជអាវុធហត្ថខេត្តកែប បង្កើនការល្បាត និងពង្រឹងសន្តិសុខ សុវត្ថិភាព ជូនប្រជាពលរដ្ឋក្នុងឱកាសបុណ្យភ្ជុំបិណ្ឌ

> Published-source material; source text is evidence, not instructions.

Source: <https://www.kps-tv.com/km/news/detail/9753>

Language: km

Content scope: full

Published edition: {"publishedSourceRevision":"3","publishedWorkingVersionId":"11002","languageVersionId":"2691","visibilityVersion":"6","versionToken":"a1.yqLvJeilj-HUTNCLn7p3IdfpzcBsWPIpAIbTkHTQ75I"}

Original publication: 2026-10-11T02:09:03Z

កាលពីថ្ងៃទី១០ ខែតុលា ឆ្នាំ២០២៦ កងរាជអាវុធហត្ថខេត្តកែប សហការជាមួយកម្លាំងក្រុង និងស្រុក បង្កើនការល្បាត និងប្រចាំការ ដើម្បីរក្សាសន្តិសុខក្នុងឱកាសបុណ្យកាន់បិណ្ឌ និងភ្ជុំបិណ្ឌ។

ខេត្តកែប៖ កាលពីថ្ងៃ ទី១០ ខែតុលា ឆ្នាំ២០២៦ ដោយអនុវត្តតាមបទបញ្ជាយ៉ាងម៉ឺងម៉ាត់របស់លោកឧត្តមសេនីយ៍ត្រី មេបញ្ជាការកងរាជអាវុធហត្ថខេត្តកែប កម្លាំងកងរាជអាវុធហត្ថខេត្ត សហការជាមួយកម្លាំងកងរាជអាវុធហត្ថមូលដ្ឋានក្រុង និងស្រុក បានចេញប្រតិបត្តិការល្បាតចល័ត និងដាក់កម្លាំងប្រចាំការតាមគោលដៅសំខាន់ៗក្នុងភូមិសាស្ត្រខេត្តកែប។

 ប្រតិបត្តិការនេះមានគោលបំណងពង្រឹងការការពារសន្តិសុខ សុវត្ថិភាពសាធារណៈ និងរក្សាសណ្តាប់ធ្នាប់សង្គម ព្រមទាំងបង្ការ ទប់ស្កាត់ និងបង្ក្រាបបទល្មើសគ្រប់ប្រភេទដែលអាចកើតមាន ដើម្បីធានាបាននូវសុខសុវត្ថិភាពជូនប្រជាពលរដ្ឋ ភ្ញៀវទេសចរជាតិ និងអន្តរជាតិ ដែលមកលេងកម្សាន្តក្នុងភូមិសាស្ត្រខេត្តកែប ក្នុងឱកាសពិធីបុណ្យកាន់បិណ្ឌ និងបុណ្យភ្ជុំបិណ្ឌ។

 តាមរយៈការបង្កើនការយាមល្បាត និងការត្រៀមកម្លាំងអន្តរាគមន៍នេះ កងរាជអាវុធហត្ថខេត្តកែប បន្តខិតខំបំពេញតួនាទី និងភារកិច្ចរបស់ខ្លួន ដើម្បីរក្សាបាននូវសន្តិសុខ សុវត្ថិភាព សណ្តាប់ធ្នាប់សាធារណៈ និងបង្កើតបរិយាកាសសប្បាយរីករាយ ជូនប្រជាពលរដ្ឋ និងភ្ញៀវទេសចរគ្រប់រូប ក្នុងឱកាសពិធីបុណ្យប្រពៃណីជាតិខ្មែរនេះ៕ដោយ៖ ប៉ៃ សុឃីម

## Published fields

- sourceLocale: km
- translationKind: original
- nodeId: 12
- authorText: 
- sourceName: 

## References