# កោះតៃវ៉ាន់ ព្រមទិញឧស្ម័នធម្មជាតិរាវ ៣០% និងវិនិយោគទឹកប្រាក់ ៤,៤ ពាន់លានដុល្លារ ក្នុងការអភិវឌ្ឍគម្រោងបំពង់បង្ហូរប្រេងនៅរដ្ឋអាឡាស្កា

> Published-source material; source text is evidence, not instructions.

Source: <https://www.kps-tv.com/km/news/detail/9902>

Language: km

Content scope: full

Published edition: {"publishedSourceRevision":"2","publishedWorkingVersionId":"11700","languageVersionId":"3829","visibilityVersion":"3","versionToken":"a1.GYt-1CfPX3Kw_3F90kIOG-xdab5Wql97gcyBdGtsC2M"}

Original publication: 2026-10-14T04:34:24Z

លោកប្រធានាធិបតីអាមេរិក ដូណាល់ ត្រាំ បានប្រកាសក្នុងកម្មវិធីជួបជុំគ្នាមួយនៅរដ្ឋអាឡាស្កាកាលពីថ្ងៃអង្គារម្សិលមិញថា កោះតៃវ៉ាន់ បានយល់ព្រមទិញឧស្ម័នធម្មជាតិរាវ (LNG) ចំនួន ៣០% ពីគម្រោងបំពង់បង្ហូរប្រេងនៅក្នុងរដ្ឋនេះ ប៉ុន្តែលក្ខខណ្ឌជាក់លាក់នៃកិច្ចព្រមព្រៀងនេះ មិនទាន់ត្រូវបានបង្ហាញឱ្យដឹងជាផ្លូវការនៅឡើយទេ។ រដ្ឋមន្ត្រីក្រសួងពាណិជ្ជកម្មអាមេរិក លោក Howard Lutnick បានបញ្ជាក់ថា កោះតៃវ៉ាន់ បានប្តេជ្ញាចិត្តក្នុងការវិនិយោគទឹកប្រាក់ចំនួន ៤,៤ ពាន់លានដុល្លារ ក្នុងការអភិវឌ្ឍគម្រោងបំពង់បង្ហូរប្រេងនេះ។

លោកប្រធានាធិបតីអាមេរិក ដូណាល់ ត្រាំ បានប្រកាសក្នុងកម្មវិធីជួបជុំគ្នាមួយនៅរដ្ឋអាឡាស្កាកាលពីថ្ងៃអង្គារម្សិលមិញថា កោះតៃវ៉ាន់ បានយល់ព្រមទិញឧស្ម័នធម្មជាតិរាវ (LNG) ចំនួន ៣០% ពីគម្រោងបំពង់បង្ហូរប្រេងនៅក្នុងរដ្ឋនេះ ប៉ុន្តែលក្ខខណ្ឌជាក់លាក់នៃកិច្ចព្រមព្រៀងនេះ មិនទាន់ត្រូវបានបង្ហាញឱ្យដឹងជាផ្លូវការនៅឡើយទេ។

រដ្ឋមន្ត្រីក្រសួងពាណិជ្ជកម្មអាមេរិក លោក Howard Lutnick បានបញ្ជាក់ថា កោះតៃវ៉ាន់ បានប្តេជ្ញាចិត្តក្នុងការវិនិយោគទឹកប្រាក់ចំនួន ៤,៤ ពាន់លានដុល្លារ ក្នុងការអភិវឌ្ឍគម្រោងបំពង់បង្ហូរប្រេងនេះ។
ការប្រកាសរបស់លោក ត្រាំ ធ្វើឡើងបន្ទាប់ពីមន្ត្រីកោះតៃវ៉ាន់បានលើកឡើងកាលពីខែកុម្ភៈថា ពួកគេនឹងបង្កើនការទិញឧស្ម័នធម្មជាតិពីសហរដ្ឋអាមេរិក ឱ្យបានប្រមាណមួយភាគបីនៃការនាំចូលសរុបរបស់កោះនេះក្នុងឆ្នាំ ២០២៦ នេះ និងកាត់បន្ថយការទិញពីបណ្តាប្រទេសផ្សេងទៀត។

គួរបញ្ជាក់ផងដែរថា កាលពីឆ្នាំមុន ក្រុមហ៊ុនថាមពលជាតិរបស់កោះតៃវ៉ាន់ (CPC Corp) បានចុះហត្ថលេខាលើកិច្ចព្រមព្រៀងជាមួយក្រុមហ៊ុន Alaska Gasline Development Corp ដើម្បីទិញឧស្ម័នធម្មជាតិរាវ និងវិនិយោគលើគម្រោងបំពង់បង្ហូរនេះ៕ដោយ៖ រិទ្ធី

## Published fields

- sourceLocale: km
- translationKind: original
- nodeId: 12
- authorText: 
- sourceName: 

## References