(ភ្នំពេញ)៖ ដោយមានការអនុញ្ញាត្តពី ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ លោកវរសេនីយ៍ឯក សំ វិច្ឆិកា អ្នកនាំពាក្យ នៃស្នងការដ្ឋាននគរបាលរាជធានីភ្នំពេញ នារសៀលថ្ងៃទី១៤ ខែសីហា ឆ្នាំ២០២៥បានដឹកនាំបើកកិច្ចប្រជុំក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ ដើម្បីពង្រឹងភារកិច្ច និងតួនាទីរបស់ក្រុមការងារប្រតិកម្មរហ័ស ចំពោះរបៀបសរសេរលិខិត និងរបាយការណ៍បកស្រាយបំភ្លឺ រួមទាំងបញ្ហាប្រឈម និងវិធានការណ៍ដោះស្រាយ ជាពិសេសការងារប្រតិកម្មឆ្លើយតបឲ្យបានទាន់ពេលវេលាចំពោះព័ត៌មាន ឬការបង្ហោះទាំងឡាយណាជាព័ត៌មានមិនពិត ឬប្រឌិតសភាពការណ៍នៅលើបណ្តាញទំនាក់ទំនងសង្គម។
កិច្ចប្រជុំនេះ ដឹកនាំដោយលោកវរសេនីយ៍ឯក សំ វិច្ឆិកា អ្នកនាំពាក្យនៃស្នងការដ្ឋាននគរបាលរាជធានីភ្នំពេញ ដោយមានការចូលរួមពីលោកលោកស្រីនាយរងការិយាល័យ អធិការរង និងមន្ត្រីទទួលបន្ទុកការងារប្រតិកម្មរហ័សមកពីការិយាល័យជំនាញទាំង១៧ និងអធិការដ្ឋាននគរបាលខណ្ឌទាំង១៤៕
ស្ថានីយទូរទស្សន៍ខេត្តព្រះសីហនុ សម្រួល៖ ចិន្តា ទីទិ
