ក្រសួងការពារជាតិអញ្ជើញក្រុមអ្នកសង្កេតការណ៍អន្តរកាលចុះពិនិត្យស្ថានភាពព្រំដែនអូរស្មាច់ ខេត្តឧត្តរមានជ័យ

នៅព្រឹកថ្ងៃអង្គារ ទី២៣ ខែកញ្ញា ឆ្នាំ ២០២៥ ក្រសួងការពារជាតិ នៃព្រះរាជាណាចក្រកម្ពុជា បានសម្របសម្រួលជូនក្រុមអ្នកសង្កេតការណ៍អន្តរកាល (IOT) អញ្ជើញចុះពិនិត្យទីតាំងជាក់ស្តែង នៅត្រង់ច្រកព្រំដែនអូរស្មាច់ ខេត្តឧត្តរមានជ័យ។

ការចុះពិនិត្យនេះមានគោលបំណងសង្កេតការណ៍ ផ្ទៀងផ្ទាត់ និងរាយការណ៍អំពីស្ថានភាពព្រំដែន បន្ទាប់ពីបទឈប់បាញ់ត្រូវបានបញ្ចូលជាធរមាន។

អ្នកនាំពាក្យក្រសួងការពារជាតិ ឧត្តមសេនីយ៍ឯក ម៉ាលី សុជាតា បានបញ្ជាក់ថា ការចុះពិនិត្យនេះ បង្ហាញពីកិច្ចខិតខំរបស់កម្ពុជា ក្នុងការរក្សាសន្តិភាព និងស្ថិរភាពតាមតំបន់ព្រំដែន។

ដោយ៖ ស្ថានីយទូរទស្សន៍ខេត្តព្រះសីហនុ