ដូចការគ្រោងទុក នាវាចម្បាំងកងទ័ពជើងទឹកអូស្ត្រាលី ចំនួន១គ្រឿងបានចូលចតនៅដែនសមុទ្រកម្ពុជា

(ខេត្តព្រះសីហនុ)៖ នាព្រឹកថ្ងៃទី១០ ខែតុលា ឆ្នាំ២០២៥នេះ នាវាចម្បាំងរបស់កងទ័ពជើងទឹកអូស្ត្រាលី ដែលមានឈ្មោះថា HMAS Ballarat បានចូលចតនៅកំពង់ផេស្វយ័តក្រុងព្រះសីហនុ ដែលទទួលស្វាគនមន៍ដោយ ឧត្តមនាវីត្រី អ៊ិន សុខេមរា នាយសេនាធិការរង នៃបញ្ជាការដ្ឋានកងទ័ពជើងទឹក ដើម្បីពង្រឹងកិច្ចសហប្រតិបត្តិការរវាងកងទ័ពជើងទឹកកម្ពុជា និងអូស្ត្រាលីឲ្យ កាន់តែល្អប្រសើរបន្ថែមទៀត។

គូសបញ្ជាក់ថា នាវាចម្បាំងរបស់កងទ័ពជើងទឹកអូស្ត្រាលី នឹងបំពេញទស្សនៈកិច្ចនៅកម្ពុជារយៈពេល៤ថ្ងៃ ចាប់ពីថ្ងៃទី១០-១៣ ខែតុលា ឆ្នាំ២០២៥៕

អត្ថបទ៖ ចិន្តា ទីទិ

រូបភាព៖ ប៉ៃ សុឃីម