ហ្វូងសត្វដំរីព្រៃចំនួន ៦ក្បាល ត្រូវបានរាយការណ៍ថា កំពុងបន្តវត្តមាននៅក្នុងភូមិសាស្ត្រចំណុចដូនគង់ ស្ថិតក្នុងភូមិពោធិ៍ខឿន ឃុំពោធិ៍ ស្រុកត្បែងមានជ័យ ខេត្តព្រះវិហារ គិតត្រឹមថ្ងៃទី៨ ខែកញ្ញា ឆ្នាំ២០២៦ នេះ។
យោងតាមការបញ្ជាក់ពីអាជ្ញាធរស្រុកត្បែងមានជ័យ វត្តមានរបស់សត្វដំរីព្រៃទាំងនេះកំពុងត្រូវបានអាជ្ញាធរមូលដ្ឋាន និងមន្ត្រីជំនាញតាមដានយ៉ាងយកចិត្តទុកដាក់ ដើម្បីធានាសុវត្ថិភាពទាំងសម្រាប់សត្វព្រៃកម្រទាំងនោះ និងប្រជាពលរដ្ឋដែលរស់នៅ ឬធ្វើដំណើរឆ្លងកាត់តំបន់ក្បែរនោះផងដែរ៕
ដោយ៖ ប៉ៃ សុឃីម
