ភ័យខ្លាចចាញ់ឆ្នោត លោក ណេតាន់យ៉ាហូ ព្រមានពលរដ្ឋអ៊ីស្រាអែលអំពី ការវាយប្រហារ ពីអ៊ីរ៉ង់ ព្រមទាំងបង្ហោះរូបភាព AI ពីការវាយប្រហារដោយអាវុធនុយក្លេអ៊ែរ

រយៈពេល ២ ថ្ងៃ មុនការបោះឆ្នោតសភាដែលប្រព្រឹត្តទៅនៅថ្ងៃទី ២៧ ខែតុលា នាយករដ្ឋមន្ត្រីអ៊ីស្រាអែល លោក Benjamin Netanyahu បានផ្ញើរសារព្រមានដ៏ក្តៅគគុកមួយថា ការជ្រើសរើសមេដឹកនាំដែលខ្វះសមត្ថភាពក្នុងការប្រឈមមុខតទល់ជាមួយប្រទេសអ៊ីរ៉ង់ អាចបង្កឱ្យពលរដ្ឋអ៊ីស្រាអែល ប្រឈមនឹងគ្រោះថ្នាក់នៃការប្រល័យពូជសាសន៍ជាលើកទីពីរ។ ជាមួយគ្នានេះ លោកក៏បានបង្ហោះរូបភាពដែលបង្កើតឡើងដោយបច្ចេកវិទ្យាបញ្ញាសិប្បនិម្មិត (AI) ដោយបង្ហាញពីទិដ្ឋភាពនៃការផ្ទុះអាវុធនុយក្លេអ៊ែរដ៏រន្ធត់នៅចំកណ្តាលទីក្រុងតែលអាវីហ្វ។ លោក ណេតាន់យ៉ាហូ ក៏បានព្រមានម្ចាស់ឆ្នោត គឺពលរដ្ឋអ៊ីស្រាអែលដោយផ្ទាល់ថា ពួកគេកំពុងប្រថុយប្រថានដាក់គ្រួសាររបស់ពួកគេឱ្យស្ថិតក្រោមគ្រោះថ្នាក់នៃការប្រល័យពូជសាសន៍ជាលើកទីពីរ ប្រសិនបើពួកគេបោះឆ្នោតជ្រើសរើសមេដឹកនាំដែលគ្មានសមត្ថភាពតទល់នឹងអ៊ីរ៉ង់។ ទោះជាយ៉ាងណា ក្រុមអ្នករះគន់បានចោទប្រកាន់លោក ណេតាន់យ៉ាហូថា លោកកំពុងព្យាយាមជំរុញឱ្យមានសង្គ្រាមប្រឆាំងនឹងអ៊ីរ៉ង់ ដើម្បីជះឥទ្ធិពល ឬពន្យារពេលការបោះនាឆ្នោតថ្ងៃទី ២៧ ខែតុលាស្អែកនេះ៕អត្ថបទ៖ រិទ្ធី