សម្ដេច ហ៊ុន សែន បដិសេធវត្តមានអ្នកប្រយុទ្ធ ឬទីប្រឹក្សាយោធាបរទេសនៅកម្ពុជា និងបញ្ជាក់ភាពឯករាជ្យការពារជាតិ

នៅថ្ងៃទី១៦ ខែធ្នូ ប្រធានព្រឹទ្ធសភាកម្ពុជា សម្ដេច ហ៊ុន សែន បានឆ្លើយតបជាសាធារណៈចំពោះព័ត៌មានរបស់សារព័ត៌មានថៃមួយចំនួនថា «មានទាហានបរទេសចូលរួមប្រយុទ្ធនៅក្នុងកម្ពុជា» ដោយថាការលើកឡើងទាំងនេះមិនពិតទាំងស្រុង និងបដិសេធយ៉ាងម៉ឺងម៉ាត់។ ក្នុងសេចក្ដីថ្លែងការណ៍លើហ្វេសប៊ុកផ្លូវការ សម្ដេចថា គ្មានពលរដ្ឋរុស្ស៊ីឬជនបរទេសផ្សេងចូលរួមប្រតិបត្តិការយោធានៅកម្ពុជា ហើយក៏គ្មានជនបរទេសចូលជ្រៀតជ្រែកកិច្ចការកងទ័ពកម្ពុជាជាទីប្រឹក្សាយោធាដែរ។ សម្ដេចថា ការបំភ្លឺនេះដើម្បីឆ្លើយតបព័ត៌មានមិនពិត ការពារអធិបតេយ្យភាពនិងសេចក្ដីថ្លៃថ្នូរជាតិ ព្រមទាំងជៀសវាងការយល់ច្រឡំអំពីប្រទេសនិងបុគ្គលដែលត្រូវលើកឡើងខុស។ សម្ដេច ហ៊ុន សែន បញ្ជាក់ថា កម្ពុជាតែងប្រកាន់គោលនយោបាយការពារជាតិឯករាជ្យនិងម្ចាស់ការ ហើយការអះអាងណាថាមានទាហានបរទេសចូលប្រតិបត្តិការយោធាក្នុងប្រទេស សុទ្ធតែគ្មានមូលដ្ឋាននិងមិនគួរជឿ។ រាយការណ៍សរុបដោយស្ថានីយយើង