ការបន្ធូរបន្ថយបំណុលកងទ័ពជួរមុខ រួមមានការលុបបំណុលដល់ប្រមាណ២ម៉ឺនដុល្លារសម្រាប់គ្រួសារយោធិនពលី

ធនាគារជាតិនៃកម្ពុជាបានប្រកាសថ្ងៃទី១ ខែមករា ថា នឹងផ្តល់អាទិភាពក្នុងការទទួលនិងសម្របសម្រួលសំណើលើកលែងការសងប្រាក់កម្ចីរបស់យោធិនជួរមុខ ដើម្បីគាំទ្រការបំពេញភារកិច្ចការពារអធិបតេយ្យភាពនិងសន្តិសុខទឹកដីជាតិ។ ការប្រយុទ្ធថ្មីៗនិងផលប៉ះពាល់បន្តបានធ្វើឱ្យសំណើសម្រួលបំណុលរបស់យោធិននិងអ្នកភៀសសឹកកើនឡើង។ វិធានការនេះមានគោលបំណងការពារផលប្រយោជន៍ក្រុមអាទិភាព និងបង្កើនប្រសិទ្ធភាពអនុម័ត។ តាមការណែនាំ យោធិនដែលត្រូវបានទទួលស្គាល់ថាពលី ឬសហអ្នកខ្ចីរបស់ពួកគេ អាចទទួលការលុបសមតុល្យបំណុលមិនលើស៨០លានរៀល ប្រមាណ២ម៉ឺនដុល្លារ។ យោធិនដែលពិការដោយរបួសក្នុងសមរភូមិ អាចលុបបំណុលបានអតិបរមា១០លានរៀល ប្រមាណ២៥០០ដុល្លារ។ ប្រាក់កម្ចីពាក់ព័ន្ធក៏នឹងលើកលែងថ្លៃសេវា ប្រាក់ពិន័យ និងការប្រាក់ ហើយអាចពន្យារការសងប្រាក់ដើម ដើម្បីបន្ធូរបន្ទុកហិរញ្ញវត្ថុរបស់យោធិននិងគ្រួសារ។ ធនាគារជាតិបានបញ្ជាក់ថា វិធានការសម្រួលហិរញ្ញវត្ថុនេះបានចូលជាធរមាន ហើយនឹងបន្តដល់ថ្ងៃទី៣១ ខែមីនា ឆ្នាំ២០២៦ ដើម្បីគាំទ្រយោធិនជួរមុខនិងក្រុមផ្សេងទៀតដែលរងផលប៉ះពាល់ដោយការប្រយុទ្ធ ព្រមទាំងបង្ហាញការយកចិត្តទុកដាក់និងការធានារបស់ជាតិចំពោះយោធិនជួរមុខ។ រាយការណ៍សរុបដោយស្ថានីយយើង