អាមេរិកសន្យាផ្ដល់៤៥លានដុល្លារដល់កម្ពុជា និងថៃ សម្រាប់សន្តិភាពព្រំដែន និងការប្រឆាំងឆបោក

នាពេលថ្មីៗនេះ សហរដ្ឋអាមេរិកបានសន្យាផ្ដល់ជំនួយសរុប៤៥លានដុល្លារដល់កម្ពុជា និងថៃ ដើម្បីគាំទ្រសន្តិភាព និងស្ថិរភាពនៅតំបន់ព្រំដែន និងប្រឆាំងការឆបោកហិរញ្ញវត្ថុ។ ក្នុងនោះ ១៥លានដុល្លារសម្រាប់សន្តិសុខ និងស្ថិរភាពព្រំដែន ១០លានដុល្លារសម្រាប់ការបោសសម្អាតមីន និង២០លានដុល្លារផ្សេងទៀតសម្រាប់ប្រឆាំងការរត់ពន្ធគ្រឿងញៀន និងការឆបោកជាពិសេស។ រដ្ឋាភិបាលអាមេរិកបានបញ្ជាក់ថា ការប្រឆាំងការឆបោកតាមទូរគមនាគមន៍នៅអាស៊ីអាគ្នេយ៍ជាកិច្ចការអាទិភាពមួយ ពីព្រោះពលរដ្ឋអាមេរិកបានរងគ្រោះពីការឆបោកហិរញ្ញវត្ថុទាំងនេះជាយូរមកហើយ។ វិធានការនេះមានគោលបំណងពង្រឹងកិច្ចសហប្រតិបត្តិការសន្តិសុខក្នុងតំបន់ និងទប់ស្កាត់បទល្មើសឆ្លងដែនមិនឱ្យប៉ះពាល់ដល់ប្រទេសទាំងពីរ និងសហគមន៍អន្តរជាតិ។ រាយការណ៍សរុបដោយស្ថានីយនេះ។