មន្ត្រីកម្ពុជា៖ ការចាប់ខ្លួន Chen Zhi និងអ្នកផ្សេងទៀតគ្រាន់តែជាជំហានដំបូង

ក្នុងបទសម្ភាសន៍ផ្តាច់មុខជាមួយសារព័ត៌មាន China News Service នៅថ្ងៃទី១៦ ខែមករា លោក ស៊ុន ចាន់ថុល ឧបនាយករដ្ឋមន្ត្រី និងជាអនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានថ្លែងថា ការចាប់ខ្លួន និងបញ្ជូន Chen Zhi ព្រមទាំងអ្នកផ្សេងទៀតដែលសង្ស័យពាក់ព័ន្ធនឹងការឆបោកតាមអនឡាញចេញពីប្រទេសនាពេលថ្មីៗនេះ គ្រាន់តែជាជំហានដំបូងប៉ុណ្ណោះ។ លោកថា រាជរដ្ឋាភិបាលកម្ពុជាមានជំហរម៉ឺងម៉ាត់ក្នុងការប្រយុទ្ធប្រឆាំងការឆបោកតាមអនឡាញ ហើយប្រតិបត្តិការនឹងបន្តទៅមុខទៀត។ លោក ស៊ុន ចាន់ថុល បានបញ្ជាក់ថា ការឆបោកតាមអនឡាញមិនត្រឹមតែប៉ះពាល់ដល់ផលប្រយោជន៍ប្រជាពលរដ្ឋប៉ុណ្ណោះទេ ប៉ុន្តែថែមទាំងប៉ះពាល់ដល់កេរ្តិ៍ឈ្មោះ និងមុខមាត់ប្រទេសផងដែរ។ លោកថា កម្ពុជានឹងប្រឹងប្រែងលុបបំបាត់បញ្ហានេះ ធានាសុវត្ថិភាពបរិស្ថានអនឡាញ និងការពារមុខមាត់ប្រទេស ព្រមទាំងបរិយាកាសវិនិយោគនិងទេសចរណ៍។ សារព័ត៌មានយើងចងក្រងសេចក្តីរាយការណ៍