ក្រុមមេធាវីស្ម័គ្រចិត្តសម្ដេចហ៊ុន សែនជួយកុមារីដែលបាត់ជើងនិងមិនទាន់បានសំណង៥ឆ្នាំ

នៅថ្ងៃទី១១ ខែកុម្ភៈ សំណុំរឿងទាមទារសិទ្ធិពីគ្រោះថ្នាក់ចរាចរណ៍កាលពី៥ឆ្នាំមុនមានការវិវត្តថ្មី។ ក្រោមការណែនាំរបស់សម្ដេច ហ៊ុន សែន ក្រុមមេធាវីស្ម័គ្រចិត្តរបស់សម្ដេចបានចូលជួយផ្លូវច្បាប់ជាផ្លូវការ ដល់កុមារីដែលត្រូវកាត់ជើងទាំងពីរដោយសារគ្រោះថ្នាក់។ ចាប់តាំងពីគ្រោះថ្នាក់ គ្រួសារនៅមិនទាន់បានសំណង ឬការទូទាត់ប៉ះប៉ូវណាមួយ ដែលបង្កការយកចិត្តទុកដាក់ក្នុងសង្គម។ តាមការរៀបរាប់ កុមារីត្រូវរថយន្តកិនពេលដើរទៅសាលាជាមួយបងប្រុស។ របួសធ្ងន់ធ្ងររហូតចាំបាច់កាត់ជើង។ ជាច្រើនឆ្នាំ គ្រួសារបន្តទាមទារសិទ្ធិ ប៉ុន្តែមិនមានលទ្ធផលជាក់ស្តែង និងទទួលសម្ពាធខ្លាំងពីជីវភាពនិងការព្យាបាល។ ក្រុមមេធាវីថា នឹងប្រកាន់គោលការណ៍យុត្តិធម៌ គ្រប់ជ្រុងជ្រោយ និងមិនលម្អៀង។ ក្រុមបានទាក់ទងគ្រួសារជាមុន ចាប់ផ្តើមការស៊ើបអង្កេតស៊ីជម្រៅ និងចាត់មេធាវីជំនាញជួយការពារសិទ្ធិស្របច្បាប់តាមប្រព័ន្ធតុលាការ។ ក្រុមសង្កត់ថា នឹងផ្តល់ជំនួយតាមច្បាប់ដោយមិនគិតឋានៈ ឬប្រវត្តិ ដើម្បីជំរុញដំណោះស្រាយត្រឹមត្រូវនិងយុត្តិធម៌។ សម្រួលដោយក្រុមនិពន្ធ។